औरंगाबाद : नगर विकास विभागाने १ फेब्रुवारी रोजी स्मार्ट सिटीच्या सीईओ पदावर बाबासाहेब मनोहरे यांची नियुक्ती केली. त्यानुसार नगरविकास मंत्रालयाकडून मिळालेल्या तातडीच्या सूचनांनुसार ते गुरुवारी (दि.१८) औरंगाबादेत दाखल झाले. सोमवारी (दि.२२) स्मार्ट सिटी सीईओ पदाचा कार्यभार स्विकारणार असल्याची माहिती मनोहरे यांनी ‘ महाराष्ट्र देशा’शी बोलताना दिली. तसेच स्थगितीबद्दल आपल्याला काहीही माहित नसल्याचे त्यांनी सांगितले. त्यामुळे आता प्रशासक पांडेय विरुद्ध मनोहरे हा वाद शमतो की विकोपाला जातो हे येत्या सोमवारीच स्पष्ट होईल.
महापालिकेचे आयुक्तच स्मार्ट सिटी डेव्हलपमेंट कॉर्पोरेशनचे काम पाहत असताना राज्य शासनाने १ फेब्रुवारी रोजी स्मार्ट सिटीच्या सीईओ पदावर मुख्याधिकारी संवर्गातील बाबासाहेब मनोहरे यांची नियुक्ती केली. आत्तापर्यंतच्या प्रत्येक आयुक्तांनी स्मार्ट सिटी योजनेत महापालिकेच्या कामांना झुकते माप दिले. महापालिकेच्या आर्थिक अडचणीमुळे जी कामे होऊ शकली नाहीत. ती कामे स्मार्ट सिटी योजनेत घेण्यात आली. महापालिकेचे प्रशासक आस्तिक कुमार पांडेय यांनी मनोहरे यांच्या नियुक्तीवर आक्षेप घेतला होता. त्यांनी सदर नियुक्ती रद्द करण्याची मागणी नगरविकास खात्याकडे केली होती. मात्र, गुरुवारी (दि.१८) आठ दिवसानंतर मनोहरे औरंगाबाद शहरात दाखल झाले. त्यांनी शासन आदेशानुसार आपण स्मार्ट सिटीच्या सीईओपदी रुजू होत असल्याचे पत्र महापालिका आयुक्त आणि जिल्हाधिकारी यांना पाठवून दिले.
सोमवारी घेणार स्मार्ट कामांचा आढावा
गुरुवारी (दि.१८) महापालिकेत दाखल होण्यास आपणास उशीर झाला. त्यानंतर आलेल्या सुट्यांच्या पार्श्वभूमीवर आता सोमवारी स्मार्ट सीईओ पदाचा कार्यभार स्वीकारणार आहोत, अशी माहिती बाबासाहेब मनोहरे यांनी ‘महाराष्ट्र देशा’ला दिली.
महत्वाच्या बातम्या
- मित्रानेच दारू पाजून केला खून; लखन सोनवणेच्या मृत्यूचे रहस्य उलगडले
- कळमनुरीच्या ‘त्या’ कुक्कुटपालन केंद्रातील कोंबड्यांचा मृत्यू ‘बर्ड फ्लू’नेच
- अमिताभ बच्चन यांच्या झुंड’ चित्रपटाविरोधात नाना पटोलेंचा आक्रमक पवित्रा
- प्रेयसीला भेटायला जायचे म्हणून पठ्ठ्याने चोरली दुचाकी; सेलू येथील घटना
- पूजाने संजय राठोड यांच्यामार्फत भावाला वन खात्यात नोकरीला लावले ?
बातम्यांसाठी YouTube चॅनेल Subscribe करा
Subscribe Now
