🕒 1 min read
मुंबई : भारताचा भुवनेश्वर कुमार नव्या चेंडूसह चांगली कामगिरी करण्यासाठी ओळखला जातो. तो चेंडू स्विंग करण्यात माहिर आहे आणि टी-२०च्या पहिल्या ६ षटकांच्या पॉवरप्लेमध्ये सर्वाधिक विकेट घेणारा गोलंदाज देखील आहे. इंग्लंडविरुद्धच्या (ENG vs IND) पहिल्या टी-२० भुवनेश्वरने पुन्हा एकदा संघाला मोठे यश मिळवून दिले. जोस बटलर हा स्फोटक फलंदाजांपैकी एक आहे. त्याने आयपीएल २०२२ मध्ये ४ शतकांच्या मदतीने ८५० हून अधिक धावा केल्या होत्या. पण पहिल्याच सामन्यात तो भुवीसमोर अपयशी ठरला. टीम इंडियाने हा सामना ५० धावांनी जिंकून मालिकेत १-० अशी आघाडी घेतली आहे. भारताने प्रथम खेळताना १९८ धावा केल्या होत्या. प्रत्युत्तरात इंग्लंडचा संघ १४८ धावा करून बाद झाला.
इंग्लिश डावातील पहिले षटक भुवनेश्वर कुमारने टाकले. सलामीवीर फलंदाज जेसन रॉय पहिल्या ३ चेंडूंवर धावा करू शकला नाही. चौथ्या चेंडूवर त्याने मिडविकेटवर धाव घेतली. कर्णधार जोस बटलर प्रथमच पाचव्या चेंडूवर खेळायला आला आणि पहिल्याच चेंडूवर तो क्लीन बोल्ड होऊन माघारी परतला. आंतरराष्ट्रीय टी-२० मध्ये तो पाचव्यांदा शून्यावर बाद झाला.
BOWLED!
Bhuvneshwar Kumar gets the big wicket, Jos Buttler gone for duck ???? #ENGvIND pic.twitter.com/NClQLHXFgp
— Doordarshan Sports (@ddsportschannel) July 7, 2022
भुवनेश्वर कुमारने पॉवरप्लेच्या पहिल्या ३ षटकात फक्त १० धावा दिल्या आणि एक विकेट घेतली. त्यामुळे इंग्लिश संघाला पहिल्या ६ षटकांत केवळ ३२ धावाच करता आल्या. भुवनेश्वर कुमारने आतापर्यंत ६७ सामन्यांत २४च्या सरासरीने ६७ बळी घेतले आहेत. २४ धावांत ५ बळी ही त्याची सर्वोत्तम कामगिरी आहे.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
