🕒 1 min read
मुंबई : राज्य आणि देशात गेल्या काही आठवड्यापासून कोरोनाच्या संसर्गाने पुन्हा एकदा डोके वर काढले आहे. कोरोनाच्या या लाटेमध्ये अनेक सर्वसामन्यांप्रमाणे बड्या राज्यकर्त्यांनादेखील विळखा घातला आहे. काही दिवसांपूर्वी ज्येष्ठ काँग्रेस नेते आणि माजी खासदार एकनाथ गायकवाड यांना कोरोनाची लागण झाली होती. तसेच त्यांच्यावर कोरोनाचे उपचार देखील चालू होते.
परंतु आज सकाळी १० वाजता एकनाथ गायकवाड यांचं दु:खद निधन झाले आहे. त्यांच्यावर मुंबईतील ब्रीच कँडी रुग्णालयात त्यांच्यावर उपचार सुरु होते. मात्र आज त्यांनी अखेरचा श्वास घेतला. एकनाथ गायकवाड हे महाविकास आघाडीतील शालेय शिक्षण मंत्री वर्षा गायकवाड यांचे वडील होते. एकनाथ गायकवाड यांच्यावर चंदनवाडी स्मशानभूमीत त्यांच्यावर अत्यंसंस्कार होतील, अशी माहिती सध्या मिळत आहे.
एकनाथ गायकवाड यांनी दक्षिण मध्य मुंबई मतदारसंघातून शिवसेना नेते आणि लोकसभेचे माजी सभापती मनोहर जोशी यांचा पराभव केला होता. जोशींचा पराभव करून ते जायंट किलर ठरले होते. त्यानंतर दोनवेळा ते दक्षिण मध्य मुंबईतून विजयी झाले होते. मात्र, नंतर शिवसेनेचे नेते राहूल शेवाळे यांनी गायकवाड यांचा पराभव केला होता. एकनाथ गायकवाड हे काँग्रेसचे मुंबईचे माजी अध्यक्ष होते. राज्य मंत्रिमंडळात त्यांनी मंत्रिपद भूषविलं होतं.
महत्त्वाच्या बातम्या
- जिल्हाधिकारीच शिवसेना नेत्यांना ‘रेमडेसिवीर’ विकायला देतात- खा.गावीत यांचा गंभीर आरोप
- बीडमधील रेमडेसिवीरचा काळाबाजार रोखा, पंकजा मुंडेंचे अजित पवारांना पत्र
- मुंब्र्यातील रुग्णालयाबाहेर राष्ट्रवादीची किरीट सोमय्यांविरोधात घोषणाबाजी
- नांदेड जिल्ह्यातील ६६ गावे कोरोनामुक्त
- ब्रेक द चेन! नांदेड जिल्ह्यात ३ लाख जणांनी घेतली कोरोना प्रतिबंधक लस
बातम्यांसाठी YouTube चॅनेल Subscribe करा
Subscribe Now
