नांदेड: राज्यात कोकणनंतर आता मराठवाड्यावर अवकाळी संकट कोसळले आहे. पावसामुळे पिकांचे प्रचंड नुकसान झाले आहे.अतिवृष्टीमुळे संपूर्ण मराठवाड्यातील शेतकरी उद्ध्वस्त झाला आहे. या नुकसानाची पाहणी करण्यासाठी विधानसभेतील विरोधी पक्षनेते देवेंद्र फडणवीस आणि विधान परिषदेतील विरोधी पक्षनेते प्रवीण दरेकर मराठवाडा दौऱ्यावर आहेत.
तमलुर येथे नुकसानीची पाहणी केली करताना फडणवीस यांनी शेतकऱ्यांशी संवाद साधला. त्यावेळी अनेक शेतकऱ्यांनी फडणवीसांकडे सरकार दरबारी मदतीसाठी पाठपुरावा करण्याचं आवाहन केलं. तर काळजी करू नका, सारे मिळून सोबत लढू आणि आपल्या बळीराजाला मदत मिळवून देऊ. अशी ग्वाही देवेंद्र फडणवीस यांनी शेतकऱ्यांना दिली आहे.
काळजी करू नका,
सारे मिळून सोबत लढू !
आपल्या बळीराजाला मदत मिळवून देऊ !#Nanded #MaharashtraRains #Maharashtra #Farmers @mipravindarekar pic.twitter.com/iYIIvRGOui— Devendra Fadnavis (@Dev_Fadnavis) October 3, 2021
दरम्यान नांदेड जिल्ह्यात पिंपळगाव (महादेव) येथे सुदर्शन झुंझारे बैलगाडीसह उमा नदीत वाहून गेले. फडणवीस आणि दरेकर यांनी त्यांच्या कुटुंबियांची भेट घेऊन सांत्वन केलं. या कुटुंबाला शासनाने तत्काळ मदत करावी अशी मागणीही फडणवीस यांनी केली आहे. तर केंद्रीय रेल्वेमंत्री रावसाहेब दानवेही आता परभणी येथे थेट शेतकऱ्यांच्या बांधावर पोहचले आहेत.
महत्वाच्या बातम्या
- सहकारी चळवळीसाठी अमित शहांचे योगदान चांगलं राहील- शरद पवार
- कथित ऑडिओ क्लिपमध्ये रामदास कदमांना फोनवर बोलणारे प्रसाद कर्वे आहेत तरी कोण?
- फडणवीसांना शिवसेना नेता भेटला, अन् देगलूर पोटनिवडणुकीसाठी भाजपचा उमेदवार ठरला!
- ‘कानून वापसी नहीं तो घर वापसी नही’, कृषी कायद्यावरून टिकैत यांचा केंद्राला इशारा
- ‘तो माझा आवाज नाही, व्हायरल ऑडिओ क्लिपची चौकशी करा’, प्रसाद कर्वेंची मागणी
