धनंजय मुंडेंकडून ऊसतोड मजुरांना दिलासा, गोपीनाथ मुंडे ऊसतोड कल्याण महामंडळासाठी २० कोटींची तरतूद

मुंबई : लोकनेते स्व. गोपीनाथराव मुंडे ऊसतोड कामगार कल्याण महामंडळ अनेक वर्षे फक्त कागदावर आणि घोषणेपूरतं मर्यादित राहिले होते. पण या महामंडळाला सामाजिक न्याय मंत्री धनंजय मुंडे यांनी आपल्या खात्याकडे वर्ग करून घेतल्यानंतर खऱ्या अर्थाने मूर्त स्वरूप प्राप्त झाले आहे.

आज पावसाळी अधिवेशनाच्या पहिल्या दिवशी लोकनेते स्व. गोपीनाथराव मुंडे ऊसतोड कामगार कल्याण महामंडळास पहिल्यांदाच २० कोटी रुपये इतकी आर्थिक तरतूद करण्यात आली आहे. पावसाळी अधिवेशनातील पुरवणी मागण्यांदरम्यान ही तरतूद करण्यात आलीय. मार्च महिन्यात अर्थसंकल्पीय अधिवेशनात हा निधी उपलब्ध करून देण्याबाबतची घोषणा झाली होती.

या निधीबाबत धनंजय मुंडे यांनी ट्विटद्वारे माहिती दिली आहे. ते म्हणाले की,’ लोकनेते स्व. गोपीनाथराव मुंडे ऊसतोड कामगार कल्याण महामंडळास भागभांडवल अंशदान म्हणून १० कोटी व सहाय्यक अनुदान म्हणून १० कोटी असे एकूण २० कोटी रुपये पावसाळी अधिवेशनाच्या पुरवणी मागण्यांमध्ये मंजूर करण्यात आले आहेत. महामंडळाच्या माध्यमातून करावयाच्या विकास कार्याची ही सुरुवात आहे.

लोकनेते स्व. गोपीनाथराव मुंडे ऊसतोड कामगार कल्याण महामंडळास भागभांडवल अंशदान म्हणून 10 कोटी व सहाय्यक अनुदान म्हणून 10 कोटी असे एकूण 20 कोटी रुपये पावसाळी अधिवेशनाच्या पुरवणी मागण्यांमध्ये मंजूर करण्यात आले आहेत.महामंडळाच्या माध्यमातून करावयाच्या विकास कार्याची ही सुरुवात आहे.1/2 pic.twitter.com/PkUKMDsmzC

— Dhananjay Munde (@dhananjay_munde) July 5, 2021

आज पहिल्यांदाच महामंडळाला २० कोटी रुपये आर्थिक तरतूद केल्याबद्दल राज्य सरकारचे आभार मानतो, अशा शब्दात सामाजिक न्याय मंत्री धनंजय मुंडे यांनी मुख्यमंत्री उद्धव ठाकरे, उपमुख्यमंत्री अजित पवार यांच्यासह महाविकास आघाडी सरकारचे आभार मानले आहेत.

दरम्यान गेल्या अनेक वर्षांपासून ऊसतोड कामगारांचे कल्याणकारी महामंडळ आणि त्यांच्या नावाने विविध योजनांची केवळ घोषणा केली जात होती. मात्र त्यांच्या भावनांचा केवळ राजकीय वापर होत होता. पण धनंजय मुंडे यांनी मात्र ऊसतोड कामगार कल्याण महामंडळास मूर्त स्वरूप प्राप्त करून दिले आहे. संत भगवानबाबा शासकीय वसतिगृह योजना अत्यंत कमी कालावधीत अस्तित्वात आणल्याने ऊसतोड कामगार, वाहतूकदार यांच्या विविध संघटनांकडून धनंजय मुंडे यांचे अभिनंदन करण्यात येत आहे.

महत्वाच्या बातम्या

• पश्चिम बंगालमध्ये काँग्रेसला मोठा धक्का! प्रणव मुखर्जींचे पुत्र ‘तृणमूल’मध्ये
• मोहन भागवतांच्या ‘त्या’ वक्तव्यावर ओवेसी म्हणाले, ‘ही तर हिंदुत्त्वाचीच देण’
• ‘हिंदू-मुस्लिम वेगवेगळे नाहीत, सर्वांचा डीएनए एकच’, मोहन भागवत यांचे वक्तव्य
• ‘मराठा समाजाच्या प्रश्नांवर वादविवाद नकाे’, संभाजीराजेंचे आवाहन
• ‘इम्पेरिकल डेटा केवळ राज्य सरकार गोळा करू शकते, ठराव फक्त दिशाभूल करण्यासाठी’