🕒 1 min read
मुंबई : शिवसंग्राम पक्षाचे संस्थापक दिवंगत विनायक मेटे यांचे अपघाती निधन झाले आणि महामार्गांवर होणाऱ्या अपघातांचे गांभीर्य वाढले. या आधीही देशाने आणि राज्यानेही काही नेते अशाच अपघातात गमावले आहेत. त्यामुळेच आज महाराष्ट्र सरकारने एक मोठा निर्णय घेतला आहे. राज्यातील सर्व आमदारांच्या वाहन चालकांना विशेष प्रशिक्षण देण्यात येणार असल्याचे उपमुख्यमंत्री देवेंद्र फडणवीस यांनी जाहीर केले. हे प्रशिक्षण शिबीर २४ ऑगस्ट रोजी मुंबईतील वाय बी चव्हाण सेंटर येथे पार पडणार आहे.
१४ ऑगस्ट रोजी पहाटे मेटेंच्या गाडीचा अपघात झाला. मात्र त्यांना जवळपास एक तास कोणतीही मदत मिळाली नाही, असं त्यांच्या वाहन चालकाचं म्हणणं आहे. मात्र त्याच्या या दाव्यावर संशय व्यक्त केला जात आहे. याच मुद्द्यावर फडणवीस म्हणाले कि, “मेटे यांच्या चालकाने लोकेशन सांगण्यात गोंधळ केल्यामुळे पोलीस अपघातस्थळी लवकर पोहोचू शकले नाहीत. त्यामुळे भविष्यात अशा घटना घडणार नाहीत, यासाठीच हे प्रशिक्षण शिबीर आयोजित करण्यात आले आहे.” या शिबिरात राज्यातील सर्व आमदारांच्या वाहन चालकांना विशेष प्रशिक्षण देण्यात येणार आहे. ज्यामुळे भविष्यात अशा घटना पुन्हा घडणार नाहीत.
आता पोलिसांना लोकशन कळणार
मेटेंचा अपघाता झाल्यावर त्यांच्या चालकाने पोलिसांना फोन केला होता. त्याने 112 या इमर्जन्सी नंबरवर फोन केला. मात्र त्याला अपघाताचे योग्य लोकेशन सांगता आले नाही. त्याने चुकीचे लोकेशन सांगितल्याने योग्य लोकेशन शोधून तिथपर्यंत पोहोचायला पोलिसांना उशीर झाला. त्यामुळेच येत्या काही दिवसात 112 या इमर्जन्सी नंबरवर फोन केल्यास त्या व्यक्तीचे लोकेशनही पोलिसांना कळेल अशी सिस्टिम बसवण्यात येईल. त्याबद्दल लवकरच कार्यवाही आणि अंमलबजावणी करू, असं आश्वासनही उपमुख्यमंत्र्यांनी दिलं
महत्वाच्या बातम्या:
- Hasan Mushrif | “बंड केल्यानंतर अजित पवारांच्या नावाने खडे का फोडले?” ; हसन मुश्रीफ सभागृहात आक्रमक!
- Monsoon Session | “खाऊन ५० खोके, माजलेत गद्दार बोके…”; विरोधकांची आजही घोषणाबाजी
- Chhagan Bhujbal | “किती डास पकडले, किती नर आणि मादी होते” ; छगन भुजबळांचा राज्य सरकारला सवाल
- Sambhaji Chhatrapati | “तुम्ही आश्वासनाचे कागद घेऊन आला होता?” ; संभाजीराजेंनी मुख्यमंत्र्याना करुन दिली जुन्या आश्वासनाची आठवण
- Sanjay Raut | संजय राऊत यांचा आर्थर रोड तुरुंगातील मुक्काम 5 सप्टेंबरपर्यंत वाढला
बातम्यांसाठी YouTube चॅनेल Subscribe करा
Subscribe Now
