‘बलात्काराचा आरोप असलेल्या आरोपीचे नाव घेताना डीसीपी बायकोचं नाव घ्यायचं असल्याप्रमाणे लाजत होते’

मुंबई- राज्याच्या अर्थसंकल्पीय अधिवेशनाच्या दुसऱ्या दिवशी विधानसभा विरोधी पक्षनेते देवेंद्र फडणवीस यांनी ठाकरे सरकारवर जोरदार हल्लाबोल केला.फडणवीस यांनी काल विधानसभेत अनेक मुद्द्यांवरून सरकारला लक्ष्य केले व आरोपांच्या फैरी झाडल्या.

राज्यातील कायदा सुव्यस्था आणि शक्ती कायदा यावर फडणवीसांनी आपली रोखठोक भूमिका मांडली.राष्ट्रवादी युवक कॉंग्रेसचे प्रदेशाध्यक्ष महेबूब शेख यांच्यावर झालेल्या गंभीर आरोपांवर आणि औरंगाबाद पोलिसांच्या या प्रकरणातील भूमिकेवर फडणवीस यांनी प्रहार केला.

मेहबूब शेख यांच्यावर झालेल्या आरोपावरूनही फडणवीसांनी निशाणा साधला. मेहबूब शेख केवळ राष्ट्रवादीचा कार्यकर्ता म्हणून कारवाई करण्यात आली नाही. स्वतः डीसीपी बचावासाठी पुढे आले. इतका पोलिसांवर दबाव आहे. सत्ताधारी पक्षाला वेगळा न्याय आणि जनतेसाठी दुसरा न्याय, असेच चालणार असेल तर कशाला हवा शक्ती कायदा, असा खरमरीत सवालच देवेंद्र फडणवीस यांनी विचारला.

फडणवीस म्हणाले,‘मेहबूब शेखवर राष्ट्रवादीचा कार्यकर्ता आहे म्हणून कारवाई केली जात नाही. ज्याच्या विरोधात एफआयआर दाखल झाला आणि त्यानंतर ती महिला वारंवार म्हणतेय की, याच व्यक्तीने माझ्यावर बलात्कार केला. पण वास्तव काय याला डीसीपी पाठिंबा देतात. जसं की लग्नात नवरा नवरी नाव घेताना लाजतात तसं डीसीपीला आरोपीचं नाव विचारल्यावर लाजत होता. जणू काही बायकोचं नाव घ्यायचं आहे. ते तर आहेच ना? तुम्ही त्यात बघू घ्याना, असं पत्रकारांना सांगत होते असं म्हणत फडणवीस यांनी यंत्रणेवर ताशेरे ओढले.

हे असेच चालणार असेल तर मग शक्ती कायद्यात तसे स्पष्ट लिहा की सत्ताधारी पक्षासाठी वेगळे नियम असतील.
(राज्यपाल अभिभाषणातील चर्चा । महाराष्ट्र विधानसभा । दि. 2 मार्च 2021) pic.twitter.com/Rr1BJTTS0R

— Devendra Fadnavis (@Dev_Fadnavis) March 2, 2021

पुढे बोलताना फडणवीस म्हणाले,इतका सरकारचा दबाव?. आमच्याही पक्षात चुकीची लोकं असू शकतात. कोणत्याही पक्षात असे लोकं असू शकता. म्हणून काय तो पक्ष चुकीचा असतो असं नाही. पण आपण जर सत्ता पक्षाला वेगळा न्याय आणि विरोधी पक्षाला वेगळा न्याय असं ठरवलं असेल तर कशा हवाय शक्ती कायदा?,’ असा सवाल देवेंद्र फडणवीस यांनी उपस्थित केला.

महत्त्वाच्या बातम्या 

• …म्हणून इच्छा असूनही उद्धव ठाकरे आणि राज ठाकरेंची भेट होऊ शकली नाही
• मिटकरी भावा तू आता आला,माझे आणि माझ्या बापाचे काय संबंध आहेत, त्यांनाच विचार
• महाविकास आघाडी नव्हे, हे तर निजामी सरकार-संभाजी पाटील निलंगेकर
• राज्य सरकार डॉक्टरांचा सल्ला घेतंय की कंपाऊंडरचा ? फडणवीस कडाडले
• माजी आमदार हर्षवर्धन जाधव यांची ‘बैलगाडी’ रोखली