बुलडाणा : बुलडाणा जिल्ह्यातील शेतकऱ्यांची राज्य सरकारने दखल घेतली नसल्याने पाच शेतकऱ्यांनी थेट पंतप्रधान नरेंद्र मोदी यांच्याकडे किडनी विकण्याची मागणी केली आहे, जिल्हाधिकाऱ्यांमार्फत पंतप्रधान नरेंद्र मोदींना निवेदन पाठवण्यात आले आहे.
मलकापूर तालुक्यातील वाकोडी येथील पाच शेतकऱ्यांवर पंचवीस हजार ते एक लाख रुपयांपर्यंत थकीत कर्ज असल्याने बँक पुनर्गठन करत नाहीत… त्यामुळे पिक कर्ज मिळत नसल्याने खरीप पेरणीसाठी शेतकऱ्यांकडे पैसा उपलब्ध नाही, अशा परिस्थिती मध्ये सरकारने पुनर्गठन करण्यासंदर्भात बँकांना आदेश द्यावेत अन्यथा या शेतकऱ्यांना किडनी विकण्याची परवानगी द्यावी, अशी मागणी पाच शेतकऱ्यांनी गेल्या आठवड्यात मुख्यमंत्र्यांकडे केली होती.
मात्र, यासंदर्भात राज्य सरकारकडून किंवा अधिकाऱ्यांकडून कुठलीच दखल घेतली गेली नसल्याने अखेर या शेतकऱ्यांनी आज थेट पंतप्रधान नरेंद्र मोदी यांच्याकडे किडनी विकण्याची परवानगी मागितली आहे, या शेतकऱ्यांनी आज जिल्हाधिकारी यांची भेट घेऊन त्यांच्या मार्फत पंतप्रधान नरेंद्र मोदी यांना निवेदन पाठवले आहे.
महत्वाच्या बातम्या
- परिस्थितीच्या त्रासातून ‘बाबा का ढाबा’ चालवणारे कांता प्रसाद यांचा आत्महत्या करण्याचा प्रयत्न
- केंद्रीय मंत्रिमंडळाच्या विस्तारात अनुभवी नेत्यांच्या सोबत नव्या चेहऱ्यांनाही मिळणार संधी
- सायबर गुन्ह्याला आळा बसण्यासाठी केंद्रीय गृहमंत्रालयाची नवी योजना
- गूढ वाढले ; मायलेकरानंतर नदीच्या पाण्यात आढळला पतीचा मृतदेह
- ‘माझ्या इतक्या चौकश्या झाल्या, तो राजकीय विषय नव्हता तर ‘हा’ कसा असेल’; खडसेंचा सवाल
बातम्यांसाठी YouTube चॅनेल Subscribe करा
Subscribe Now
