सरकारच्या ‘नाकावर टिच्चून’ दहिहंडी फोडली, मनसे जिल्हाध्यक्ष दाशरथे यांचा दावा

औरंगाबाद : राज्यात दहिहंडी उत्सव साजरा करण्यास बंदी घालण्यात आलेली असताना महाराष्ट्र नवनिर्माण सेनेच्या वतीने हडको परिसरात दहिहंडी फोडण्यात आली. हिंदू सण साजरा करण्यासाठी विरोध करणाऱ्या ठाकरे सरकारच्या नाकावर टिच्चून आम्ही दहिहंडी फोडली असल्याचा दावा मनसेचे जिल्हाध्यक्ष सुहास दाशरथे यांनी केला आहे.

बंदी असतानाही दहिहंडी फोडण्याचा कार्यक्रम यशस्वी केल्याबद्दल दाशरथे यांनी मनसेच्या सर्व पदाधिकारी आणि कार्यकर्त्यांचे अभिनंदन केले. पोलिसांनी मनसेच्या कार्यकर्त्यांना अटक केली असली तरी त्याला मनसे कार्यकर्ते घाबरत नसल्याचेही ते म्हणाले. अस्वलाच्या अंगावरील केसांप्रमाणे महाराष्ट्र नवनिर्माण सेनेच्या सैनिकांवर कितीही केसस दाखल झाल्या तरी त्याला न घाबरण्याची शिकवण आम्हाला राज ठाकरे यांनी दिली असल्याचेही त्यांनी सांगितले.

या पुढील काळातही या महाविकास आघाडी सरकारचे डोके ठिकाणावर आणण्यासाठी मनसेचे कार्यकर्ते अशा प्रकारचे आंदोलन करत राहणार असल्याचे ते म्हणाले. त्यासाठी जे करावे लागेल, ते जोदारपणे करणार असल्याचा दावाही या वेळी दाशरथे यांनी केला. मनसेच्या कार्यकर्त्यांनी ठाकरे सरकारच्या निषेधाच्या घोषणाही या वेळी दिल्या.

महत्त्वाच्या बातम्या

• गटशिक्षण अधिकाऱ्याच्या मुलाचा आरटीई अंतर्गत मोफत प्रवेश; मुख्यमंत्र्यांकडे तक्रार
• ‘सर्वसामान्य लोकांनी काय पाप केलंय? शिवसेना खासदार मागच्या दाराने सिद्धिविनायकाच्या दर्शनाला’
• ‘राज्यातील नेत्यांना हात जोडून विनंती करतो ओबीसींच्या हक्काचे हिरावू नका’
• शिवसेनेची ‘कावड यात्रा’ ; आ. दानवेंसह शिवसैनिकांवर गुन्हे दाखल!
• ‘बाळासाहेबांच्या नावाने हडप केलेल्या महापौर बंगल्यावर अजूनही..’, मनसेनी साधला सेनेवर निशाना