‘बंद केसेस परत उघडून विरोधकांचा आवाज दाबला जातोय’

मुंबई : बीड जिल्ह्यातील परळी तालुक्यातील पूजा चव्हाण या तरुणीचा पुण्यात मृत्यू झाला आहे. या गूढ मृत्यू प्रकरणाला राजकीय वळण लागले आहे. संजय राठोड यांचा पूजा चव्हाणच्या मृत्यूशी संबंध असल्याचा आरोप भाजपने केला आहे. यात भाजप नेत्या चित्रा वाघ आघाडीवर आहेत.

संजय राठोड यांच्यावर सदोष मनुष्यवधाचा गुन्हा दाखल करण्याची मागणी चित्रा वाघ यांनी केली आहे. पूजाच्या गूढ मृत्यू प्रकरणाचा पाठपुरावा चित्रा वाघ करत आहेत. काही दिवसांपूर्वीच त्यांना धमक्यांचे फोन आले होते.

दरम्यान, लाचलूचपत प्रतिबंधक विभागाने १२ फेब्रुवारी रोजी चित्रा वाघ यांचे पती किशोर वाघ यांच्या विरोधात गुन्हा दाखल केल्याची माहिती समोर आली आहे. त्यामुळे चित्रा वाघ यांच्या अडचणी वाढण्याची शक्यत नाकारता येत नाही.

पूजा चव्हाण प्रकरणात चित्रा वाघ आक्रमक झाल्या आहेत. त्यांनी वनमंत्री संजय राठोड यांच्या चौकशीची मागणी लावून धरलेली आहे. त्याचवेळी चित्रा वाघ यांच्या पती विरोधात गुन्हा दाखल करण्यात आल्याने तर्कवितर्क लढवले जात आहेत.

ठाकरे सरकारच्या विरोधात आवाज उठवणाऱ्या सौ. चित्राताई वाघ यांच्यावर जुनी केस ओपन करून गुंतवल जातंय. ज्यांच्या विरोधात सगळे पुरावे आहेत, त्या मंत्र्यांवर FIR होत नाही. मात्र ज्या केसेस बंद आहेत त्या परत उघडून विरोधकांचा आवाज दाबला जातोय. ठाकरे सरकारचा जाहीर निषेध!

— Nilesh N Rane (@meNeeleshNRane) February 27, 2021

यावरून भाजप नेते संतप्त व्यक्त करत सरकारवर हल्लाबोल करत आहेत. यावर भाजप नेते निलेश राणे यांनी भाष्य केले आहे. ‘ठाकरे सरकारच्या विरोधात आवाज उठवणाऱ्या सौ. चित्राताई वाघ यांच्यावर जुनी केस ओपन करून गुंतवल जातंय. ज्यांच्या विरोधात सगळे पुरावे आहेत, त्या मंत्र्यांवर FIR होत नाही. मात्र, ज्या केसेस बंद आहेत त्या परत उघडून विरोधकांचा आवाज दाबला जातोय’, असं म्हणत निलेश राणे यांनी ठाकरे सरकारचा जाहीर निषेध केला आहे.

महत्त्वाच्या बातम्या 

• उदगीरात जनता कर्फ्यूचा बोजवारा, नागरिकांनी प्रशासनाचे आवाहन धुडकावले
• ‘यांच्या जागी तुमची मुले असती तर काय केले असते?’ जितेंद्र आव्हाडांचा सवाल
• चंद्रकांत पाटलांनी घेतलेल्या ‘त्या’ निर्णयावर बीडचे राजकीय भवितव्य अवलंबून!
• दारू विकणाऱ्यानेच दिली दारू विक्रीची तक्रार, मग काय? खाल्ला मार!
• याजसाठी केला होता अट्टाहास, पण शेवट वाईट झाला! चित्रा वाघ यांचा भाजप प्रवेश निष्फळ?