चेन्नई सुपर किंग्सची नवीन जर्सी! धोनीने केली लाँच

पुणे : आयपीएल मधील चेन्नई सुपर किंग्सच्या संघाचा कर्णधार महेंद्रसिंह धोनीने नुकताच आयपीएलच्या पुर्वतयारीसाठी पुण्यात दाखल झाला आहे. पुण्यात दाखल झाल्यानंतर कर्णधार महेंद्रसिंह धोनीने चेन्नई सुपर किंग्सची नवीन जर्सीचे अनावरण केले आहे. चेन्नई सुपर किंग्सने धोनीचा हा व्हिडीओ सोशल मीडीयावर पोस्ट केला आहे. हा व्हिडीओ चांगलाच व्हायरल होत आहे.

चेन्नई सुपर किंग्सचा कर्णधार धोनीने चेन्नईच्या संघाची नवीन जर्सीचे अनावरन केले आहे. चेन्नईच्या या नवीन जर्सीच्या माध्यमातून भारतीय सेनादलालाही मानवंदना देण्याचा प्रयत्न करण्यात आला आहे. या जर्सीच्या खांद्याच्या डिझाईनमध्ये बदल करण्यात आला आहे. भारतीय सेना दलाच्या गणवेशाप्रमाणे जर्सीच्या खांद्याला रंग देण्यात आला आहे.

धोनीचे वय पाहता यंदाचा आयपीएल हंगाम त्याच्यासाठी शेवटचा हंगाम ठरु शकतो, असे जाणकारांचे मत आहे. मागील वर्षी झालेल्या पराभवानंतर धोनी आयपीएलमधून निवृत्ती घेईल असे सर्वाना वाटत होते. कारण मागील वर्षी आयपीएल सुरु होण्यापुर्वी धोनीने अंतरराष्ट्रीय क्रिकेटमधून निवृत्ती जाहीर केली होती. त्याचवेळी आयपीएलचा मोसम संपताच धोनी आयपीएलमधूनही निवृत्ती जाहीर करेल असे सर्वाना वाटत होते. यंदाच्या मोसमात चेन्नईचा संघ काय कमाल करतो, याकडे सर्वांचे लक्ष असेल.

महत्वाच्या बातम्या

• एकदिवसीय सामन्यांत शिखर धवन सहाव्यांदा नर्व्हस नाइंटीचा बळी
• आयपीएलसाठी सुरेश रैना सज्ज; मुंबईत पोहोचल्यावर केला फोटो पोस्ट
• मुंबई ते दिल्ली प्रवास आता केवळ १२ तासांत शक्य होणार नितीन गडकरींचा मेगा प्लान
• कुंबळे-कोहली पुन्हा आमने-सामने
• आधी लगीन झांपाचे, मगच आयपीएलचे; लग्नासाठी अॅडम झाम्पाला सुट्टी