Russia Ukraine war: युक्रेनमधील बीअर कंपनीचा देशासाठी एक वेगळाच उपक्रम

🕒 1 min read

नवी दिल्ली : सध्या युक्रेन आणि रशिया या दोन देशांमध्ये युद्ध चालू आहे. युक्रेनने NATO (नॉर्थ अटलांटिक ट्रीटी ऑर्गनायझेशन) मध्ये सहभागी होऊ नये म्हणून रशियाचे अध्यक्ष व्लादिमीर पुतीन यांनी आक्रमक पवित्रा घेतला आहे. रशियाचे लष्कर हे अत्यंत ताकदवान असल्याने युक्रेनच्या लष्कराचा रशियाच्या लष्करासमोर निभाव लागत नाहीये. तरी युक्रेनचे सरकार आणि युक्रेनमधील नागरिक आपल्या आपल्या परीने रशिया विरुद्ध युद्ध लढत आहे.

त्यातच आज युक्रेनमधील बीअर कंपनीने युक्रेन सैन्याला मदत व्हावी म्हणून दारू सोडून दारुगोळा तयार करायचा निर्णय घेतला आहे. रशियन सैन्याला प्रत्युत्तर देण्यासाठी प्रवदा ब्रुअरीच्या कर्मचाऱ्यांनी बीअरऐवजी मोलोटोव्ह कॉकटेल बॉम्ब बनवण्यास सुरुवात केली आहे.प्रवदा ब्रुअरीचे मालक युरी झस्ताव्हनी यांनी मोलोटोव्ह कॉकटेल पेट्रोल बॉम्बबद्दल बोलताना सांगितले की ” युक्रेनचे सैन्य एका मोठया संकटात अडकले आहे. आपल्याच लोकांचे संरक्षण लष्कर नेहमीच करत असते. आता तेच लष्कर संकटात सापडले असताना ; त्यांची मदत करणे हे आमचे आद्य कर्तव्य आहे आणि तेच आम्ही करत आहोत. कोणाकडूनही अपेक्षा न करता आपणच युक्रेनच्या लष्कराला मदत करावी या उद्देशानेच आम्ही आता बीअर ऐवजी दारुगोळा बनवण्यास सुरुवात केली आहे.

महत्वाच्या बातम्या : 

• राज्यपालांच्या वक्तव्यावर मिटकरींची प्रतिक्रिया; म्हणाले,“तुमच्या ‘चहा’छाप सैनिकांनी…”
• कोश्यारींनी केलेल्या व्यक्तव्याच्या निषेधार्थ राष्ट्रवादीकडून पुणे महापालिकेत आंदोलन
• “आणि तो आफ्रिकेसाठी खेळतानाही ५० हजार प्रेक्षक एबीडीचे नाव ओरडत होते”; विराट कोहलीने सांगितले चाहत्यांचे प्रेम
• IPL 2022: मयंक अग्रवाल ‘पंजाब किंग्ज’ चा नवा कर्णधार म्हणून घोषित
• भाजपने आता नवीन शिवव्याख्याते निर्माण केले आहेत- संजय राऊत