मुंबई: दक्षिण आफ्रिकेचा क्रिकेटपटू असूनही एबी डिव्हिलियर्सला भारतात अनेक लोक पसंत करतात. जितके भारतीय खेळाडूंचे चाहते असतील तितकेच एबीचे सुद्धा चाहते भारतभर आहेत. आयपीएल (IPL) मध्ये रॉयल चॅलेंजर्स बंगलोरचा (RCB) खेळाडू होता. मात्र स्पर्धा नसतानाही भारतीय क्रिकेट रसिकांनी त्याला दिलेल्या प्रेमाचा एका आठवणींचा किस्सा विराट कोहलीने सांगितला आहे.
विराट कोहलीने (virat kohli) भारत आणि दक्षिण आफ्रिका यांच्यातील वानखेडे स्टेडियमवर २०१५ मध्ये एकदिवसीय सामन्यात घडलेला किस्सा सांगितलं आहे, ज्यामध्ये आफिकेने ४३८ वर ४ बाद धावा केल्या आणि एबीने ६१ चेंडूत ११९ धावा केल्या होत्या. ” तो (ab deviliers) दक्षिण आफ्रिकेकडून भारताविरुद्ध खेळला तेव्हाही त्याला भारतीय प्रेक्षकांचा पाठिंबा मिळतो. स्टेडियममधील पन्नास हजार लोकांनी ‘एबीडी, एबीडी’ असा जयघोष केला. हे योगायोगाने घडू शकत नाही, असे घडणे ही एक अतिशय, अतिशय खास गोष्ट आहे आणि ती जगात कोठेही कोणासोबतही घडत नाही. दक्षिण आफ्रिकेचे (south africa) चाहते वानखेडेवर आले होते असे नाही, ते भारतीय चाहते त्याच्या नावाचा जयघोष करत होते. इथे काय चालले आहे, असे आम्हालाही समजत नव्हते. पण तो कोण आहे, हीच एबीची जादू आहे.”
एबी डिव्हिलयर्सची लोकप्रियता इतकी आहे की विराट कोहलीने त्याला परदेशी खेळाडूंपैकी एक म्हणून निवडले ज्याला तो भारताकडून खेळताना पाहायला आवडेल. दक्षिण आफ्रिकेकडून खेळत असतानाही तो भारतातील चाहत्यांचा आवडता असल्याने डिव्हिलियर्ससाठीही संघात आरामात समाविष्ट होणे अवघड जाणार नाही, असे कोहली म्हणाला.“एबी सारखा माणूस ज्या वातावरणाचा तो भाग आहे त्या वातावरणात खूप योगदान देऊ शकतो. अप्रतिम माणूस, असाधारण खेळाडू. त्याच्या खेळाबद्दल कुणाला बोलायचीही गरज नाही. तो ज्या प्रकारच्या गोष्टी करतो हे विश्वासाच्या पलीकडे आहे.”
महत्वाच्या बातम्या
- भगतसिंग कोश्यारींविरोधात सोलापुरात शिवसेना आक्रमक
- “महाराष्ट्रात निवडणुका असत्या तर ‘ऑपरेशन सह्याद्री’ असतं”, केंद्र सरकारला राऊतांचा खोचक टोला
- जाणीवपूर्वक चुकीचा इतिहास पसरवण्याचा उद्योग संघ परिवार अनेक वर्षे करत आला- यशोमती ठाकूर
- PSL 2022: मुलतान सुल्तानसला पराभूत करत लाहोर कलंदर्स पहिल्यांदाच ठरले पीएसएलचे विजेते
- “राजेंना कोणीही मानसिक त्रास देऊ नका”, संयोगिताराजे यांची हात जोडून विनंती
