बुलडाण्यात वाईन विक्री विरोधात भाजपच्या महिला आक्रमक

बुलडाणा: राज्य सरकारच्या वाईन विक्रीच्या विरोधात राज्यभरात भाजप आक्रमक (BJP Against Wine Sale) झाले आहे. हा निर्णय मागे घेण्यात यावा यासाठी ठिकठिकाणी भाजपकडून आंदोलन करण्यात येत आहे. या पार्श्वभूमीवर बुलडाण्यात देखील भाजपच्या महिला मोर्चाच्या वतीने कडाडून निदर्शने करण्यात आली आहेत.

राज्यसरकारने किराणामालाच्या दुकानात वाईन विक्रीचा जो निर्णय घेतला आहे तो निर्णय त्वरित मागे घेण्यात यावा. वाईन विक्री किराणा दुकानात सुरू झाली तर महाराष्ट्रातील कुटुंबावर संकट येईल, संसार उद्ध्वस्त होतील. या निर्णयामुळे तरुणवर्ग व्यसनाधीन होतील म्हणून हा निर्णय त्वरित मागे घेण्यात यावा. या मागणीसाठी आज जिल्हाधिकारी कार्यालयासमोर भाजपाच्या महिला मोर्चाच्या वतीने कडाडून विरोध करत निदर्शने करण्यात आली. यावेळी महिला मोर्चाच्या पदाधिकारी व कार्यकर्त्या उपस्थित होते.

किराणा दुकानात वाईन विक्री करण्यास परवानगी देऊ नये यासाठी ज्येष्ठ समाजसेवक अण्णा हजारे यांनी देखील उपोषणाचा इशारा दिला होता. तसेच राज्यातील भाजप नेत्यांकडून देखील याला तीव्र विरोध होत आहे. यावर महाविकास आघाडी सरकारच्या नेत्यांकडून मात्र वाईन विक्रीला पाठिंबा असल्याचेच धोरण कायम आहे.

महत्वाच्या बातम्या:

• IPL AUCTION 2022: यंदा लखनऊच्या रूपाने सुपरजायंट्सचा स्पर्धेत पर्दापण
• जळगावातील वाघूर धरणावर पक्षांची मांदीयाळी; रेषाळ बगळा, तपकिरी खाटीकचे दर्शन
• चंद्रकांत पाटील यांच्या हस्ते पुणे मेट्रोच्या कर्मचाऱ्यांचा सत्कार
• IPL AUCTION 2022: पर्दापण सीजनसाठी गुजरात टायटन्सचा असा असेल संघ
• राज ठाकरेंचा ‘हिंदुहृदयसम्राट’ उल्लेख; मुंबईत मनसेची बॅनरबाजी