भाजपा पक्ष विनाशाच्या खाईत चाललाय, रक्षा खडसेंच्या आक्षेपार्ह उल्लेखावर अमोल मिटकरी संतापले

🕒 1 min read

मुंबई : रावेर विधानसभा मतदारसंघातील भाजपाच्या खासदार रक्षा खडसे यांचा भाजपाच्या वेबसाईटवर आक्षेपार्ह उल्लेख करण्यात आला आहे. याचा स्क्रीनशॉर्ट व्हायरल झाल्याने खळबळ उडाली आहे.

BJP.org ही भाजपची अधिकृत वेबसाईट आहे. सध्या या भाजपच्या अधिकृत वेबसाईटवर रक्षा खडसे यांच्या नावापुढे कोणताही आक्षेपार्ह उल्लेख दिसत नाहीये. तो आक्षेपर्ह उल्लेख तत्काळ हटवण्यात आला असल्याची शक्यता आहे.

केवळ महाराष्ट्रातीलच नाही, तर संपूर्ण देशभरातील भाजपच्या सर्व खासदारांची यादी या वेबसाईटवर आहे. जेव्हा रक्षा खडसे यांच्या नावापुढील आक्षेपार्ह उल्लेखाचा स्क्रिनशॉर्ट पत्रकार स्वाती चतुर्वेदी यांनी ट्विटरवर शेअर केला त्यानंतर हे प्रकरण उघडकीस आलं. हा सर्व प्रकार गुगल ट्रान्सलेशनमुळे झाल्याची शक्यता वर्तवण्यात येत आहे.

रावेरच्या खासदार रक्षाताई खडसे बद्दल भाजपाच्या अधिकृत पेजवर आक्षेपार्ह लिखाण असल्याचे समजले. "परस्त्रीला आईचा दर्जा देणाऱ्या शिवरायांच्या" शिकवणीला कलंक लावणारा भाजपा पक्ष विनाशाच्या खाईत चाललाय. पक्षात थोडीजरी नैतिकता शिल्लक असेल तर या प्रकरणावर थोडी तोंड उघडा.

— आ. अमोल गोदावरी रामकृष्ण मिटकरी (@amolmitkari22) January 28, 2021

दरम्यान, राष्ट्रवादीचे आमदार अमोल मिटकरी यांनी देखील या मुद्द्यावर भाष्य केले आहे. रावेरच्या खासदार रक्षाताई खडसे बद्दल भाजपाच्या अधिकृत पेजवर आक्षेपार्ह लिखाण असल्याचे समजले. परस्त्रीला आईचा दर्जा देणाऱ्या शिवरायांच्या शिकवणीला कलंक लावणारा भाजपा पक्ष विनाशाच्या खाईत चाललाय. पक्षात थोडीजरी नैतिकता शिल्लक असेल तर या प्रकरणावर थोडी तोंड उघडा असं मिटकरी यांनी म्हटलं आहे.

महत्वाच्या बातम्या –

• ‘समान गुण असूनही प्रवेश मिळण्यास अडचण’, साष्टपिंपळगावच्या विद्यार्थ्यांची खंत
• ‘महाराष्ट्र देशा’ थेट साष्टपिंपळगावात, मराठा आरक्षण आंदोलनाच्या ठिणगीचे मशालीत रुपांतर
• खळबळजनक! खा.जलील 100 कोटींहून अधिकचा घोटाळा उघडकीस आणणार
• मुंबईकरांवर लोकल प्रवासासाठी वेळेचं बंधन; मनसेची खोचक टीका
• धनश्री काडगावकरच्या घरी चिमुकल्याचे आगमन