नवी दिल्ली : सन 2019-20 या वर्षामध्ये विक्री करण्यात आलेल्या इलेक्टोरल बॉन्डच्या एक तृतीयांश निधीवर भाजपने कब्जा केल्याचं स्पष्ट झालंय. सन 2019-20 या वर्षासाठी इलेक्टोरल बॉन्डच्या माध्यमातून मिळालेल्या निधीपैकी तब्बल 74 टक्के निधी एकट्या भाजपला मिळाला आहे. तर केवळ 9 टक्के निधी हा काँग्रेसला मिळाला आहे. केंद्रीय निवडणूक आयोगाकडून मागवण्यात आलेल्या माहितीच्या आधारे ही माहिती समोर आली आहे.
भाजप बद्दल बोलायचं गेल्यास इलेक्टोरल बाँडच्या माध्यमातून मिळणाऱ्या स्वैच्छिक योगदानाचा वाटा २०१७-१८ मधील २१ टक्क्यांवरून २०१९-२० मघ्ये ७४ टक्क्यांवर गेला आहे. बाँडच्या माध्यमातून भाजपा मिळणाऱ्या देणगीत खूप मोठी वाढ झाली आहे. २०१७-१८ मध्ये भाजपाला २०१७-१८ मध्ये स्वैच्छिक योगदान म्हणून मिळालेल्या एकूण ९८९ कोटींपैकी २१० कोटी रुपये आणि २०१९-२० मध्ये ३४२७ कोटींपैकी २५५५ कोटी बॉण्डमधून मिळाले.
दुसरीकडे काँग्रेसला २०१८-१९ मध्ये बाँडच्या माध्यमातून ३८३ कोटी मिळाले होते. २०१९-२० मध्ये काँग्रेसला मिळालेल्या ४६९ पैकी ३१८ कोटी बाँडमधून मिळाले असून एकूण देणगीच्या ६८ टक्के आहेत. याशिवाय २०१९-२० मध्ये बाँडच्या माध्यमातून राष्ट्रवादी काँग्रेस पक्षाला २९ कोटी २५ लाख, तृणमूल काँग्रेसला १०० कोटी ४६ लाख, डीएमकेला ४५ कोटी, शिवसेनेला ४१ कोटी, राष्ट्रीय जनता दलाला २.५ कोटी आणि आम आदमी पक्षाला १८ कोटी मिळाले आहेत.
महत्त्वाच्या बातम्या
- उड्डाणपुलाच्या उद्घाटनाचा वाद : नाशिकमध्ये सेनेसह आघाडीत सर्वच पदाधिकारी नाराज
- कंगनाच्या ‘त्या’ याचिकेला जावेद अख्तर यांचा विरोध
- ९ ऑगस्ट ठरला ऑस्ट्रेलिया क्रिकेट इतिहासातील सर्वात वाईट दिवस
- नीरज चोप्राने बायोपिकसाठी दिली ‘या’ दोन अभिनेत्यांना पसंती
- दुसऱ्या कसोटीसाठी पृथ्वी शॉ आणि सुर्यकुमार यादव शिवाय टीम इंडिया लॉर्ड्सवर रवाना
बातम्यांसाठी YouTube चॅनेल Subscribe करा
Subscribe Now
