बाबर आझमचे कौतुक करताना इम्रान खानचा “फिक्सिंग” बद्दल मोठा खुलासा!

🕒 1 min read

मुंबई: पाकिस्तान आणि ऑस्ट्रेलिया यांच्यातील 3 सामन्यांच्या कसोटी मालिकेतील दुसरा कसोटी सामना कराची येथील नॅशनल स्टेडियमवर खेळला जात होता, जो अनिर्णित राहिला. पाकिस्तानने हा सामना जवळपास गमावला होता, पण बाबर आझमची दमदार खेळीने पाकिस्तानला हा सामना हरण्यापासून वाचवला. बाबर आझमने १९६ धावांची शानदार खेळी केली. बाबरचे पाकिस्तानी दिग्गज क्रिकेटपटू आणि पाकिस्तानचे पंतप्रधान इम्रान खान यांनीही कौतुक केले आहे.

माजी पाकिस्तानी खेळाडू आणि सध्याचे पंतप्रधान इम्रान खान (imran khan) यांनी बाबर आझमसह (babar azam) इतर खेळाडूंचे कौतुक केले आहे. ट्विट करताना इमरानने लिहिले की, “ऑस्ट्रेलियाविरुद्ध जबरदस्त झुंज दिल्याबद्दल आणि कर्णधारपदाची उत्तम खेळी खेळल्याबद्दल बाबर आझमचे अभिनंदन आणि उर्वरित संघाला शुभेच्छा. विशेषतः मोहम्मद रिझवान आणि अब्दुल्ला शफीक.” मात्र यानंतर त्यांनी परत ट्विट केले ज्याने क्रिकेट जगताला धक्का बसला आहे.

Unfortunately I could not watch this match as I am fighting on another front against match fixing where huge amounts of money are being used to lure my players!

— Imran Khan (@ImranKhanPTI) March 17, 2022

पाकिस्तानचे पंतप्रधान इम्रान खान यांनी खेळाडूंचे कौतुक केल्यानंतर आणखी एक ट्विट शेअर केले आहे, ज्यात त्यांनी फिक्सिंगबद्दल सांगितले, “दुर्दैवाने मी हा सामना पाहू शकलो नाही. कारण मी मॅच फिक्सिंगच्या विरोधात लढत आहे जिथे माझ्या खेळाडूंना आमिष दाखवण्यासाठी मोठ्या प्रमाणात पैसा वापरला जात आहे!” त्यांच्या या ट्विटनंतर खळबळ माजली आहे. तथापि, पाकिस्तान आणि ऑस्ट्रेलिया यांच्यातील ३ सामन्यांच्या कसोटी मालिकेतील अंतिम आणि निर्णायक कसोटी सामना २१ मार्चपासून लाहोरच्या गद्दाफी स्टेडियमवर खेळवला जाईल. हा सामना जो संघ जिंकेल तो या ऐतिहासिक कसोटी मालिकेचा विजेता ठरेल.

महत्वाच्या बातम्या 

• शोएब अख्तरचे सेहवागबाबत धक्कादायक वक्तव्य; म्हणाला “मैं एक दिन बोहोत मारुंगा”
• Pakistan Missile Test: हवेत झेपावताच पाकिस्तानची मिसाईल झाली फुस्स
• एमसीसीच्या मंकड नियमावर अश्विनची पहिली प्रतिक्रिया; म्हणाला…
• Breaking News : राष्ट्रवादी महिला काँग्रेसच्या २० पदाधिकाऱ्यांचा सामूहिक राजीनामा
• IPL 2022: ‘आता तो पहिल्यासारखा आक्रमक राहिला नाहीये’; विराटबाबत आरसीबीच्या खेळाडूचे मोठे वक्तव्य