मुंबई : भारतात सध्या कोरोनाच्या सावटाखाली आयपीएल स्पर्धा सुरु आहे. यादरम्यान आंतरराष्ट्रीय क्रिकेटमधून एक मोठी बातमी समोर येत आहे. आंतरराष्ट्रीय क्रिकेट परिषदेने श्रीलंकेचा माजी क्रिकेटपटू नुवान झोयासावर बंदी घातली असल्याची माहिती समोर येत आहे. त्याच्यावर तब्बल ६ वर्षाची बंदी लादण्यात आली आहे. एप्रिल महिन्यातच आयसीसीने श्रीलंकेचा माजी क्रिकेटपटू दिलहारा लोकुहेतेगेवर बंदी घातली होती. त्याला ८ वर्षांसाठी क्रिकेटमधून निलंबित करण्यात आले आहे. तत्पुर्वी आयसीसीने झिम्बाब्वेचा माजी कर्णधार आणि प्रशिक्षक हिथ स्ट्रिकवरही ८ वर्षांची बंदी घातली होती.
नुवान झोयासावर आयसीसीच्या लाचलुचपत प्रतिबंधक कायद्याचे उल्लंघन केल्याचे आरोप लावण्यात आले आहेत. ३१ ऑक्टोबर २०१८ रोजी आयसीसीने माजी श्रीलंकन क्रिकेटपटू आणि प्रशिक्षक नुवान झोयसाला निलंबित केले होते. त्यामुळे झोयासाच्या बंदीचा कालावधी ३१ ऑक्टोबर २०१८ पासून सुरू झाला आहे. संपूर्ण सुनावणीनंतर आणि लेखी व तोंडी युक्तिवादानंतर न्याय समीतीने त्याला काही आरोपांसाठी दोषी ठरवले आहे. एखाद्या सामन्याचा निकाल किंवा सामन्याचा एखादा भाग फिक्स करणे किंवा तसे करण्याचा प्रयत्न करण्याच्या कराराचा भाग असणे हे कलम २.१.१ नुसार गुन्हा ठरतो.
JUST IN: Former Sri Lankan pacer, Nuwan Zoysa, banned for six years for breaching ICC's Anti-Corruption Code
— Cricbuzz (@cricbuzz) April 28, 2021
प्रत्यक्ष किंवा अप्रत्यक्ष एखाद्या सदस्याला २.१ नियमाचा भंग करण्यासाठी प्रोत्साहित करणे किंवा प्रलोभन देणे किंवा विणवनी करणे हा दुसरा आरोप २.१.४ कमलनुसार लावण्यात आला आहे. तसेच भ्रष्टाचार संबंधित नियमांचे उल्लंघन केल्याची कोणतीही माहिती पुरवण्यासही त्याने अक्षमता दाखवली असल्याने कलम २.४.४ नुसार त्याच्यावर तिसरा आरोप लावण्यात आला आहे. तसेच आयसीसीने इमिरेट्स क्रिकेट बोर्डाच्या (ईसीबी) वतीने आरोप लावला आहे की, टी१० लीगच्या लाचलुचपत प्रतिबंधक संहितेमधील तीन कलमांचे उल्लंघन केले आहे. मात्र या आरोपावरील कारवाई अद्याप सुरु आहे.
महत्वाच्या बातम्या
- ढगाळ वातावरण, तरीही पारा ४२ अंशावर
- ‘एकनाथ गायकवाड यांच्या निधनामुळे एक निष्ठावान व लोकप्रिय नेतृत्व काळाच्या पडद्याआड गेले!’
- ‘तुकाराम मुंढेंना पुन्हा नागपुरात आणा त्याशिवाय अधिकारी सुधारणार नाहीत’
- योगींच्या राज्यात महिला असुरक्षित ?, विवाहितेवर सामूहिक बलात्कार करून रस्त्यावर फेकले
- मुंब्रा अग्नितांडव : दुसऱ्या हॉस्पिटलमध्ये शिफ्ट करताना ‘त्या’ रुग्णांचा मृत्यू झाला
