आग्रा : उत्तर प्रदेशमध्ये दररोज शेकडो हत्या, लूटमार, अपहरण आणि बलात्काराच्या घटना, हेच भाजपच्या नेतृत्वाताली योगी आदित्यनाथ सरकारच्या मुख्य उपलब्धी आहेत असं म्हंटल तर अतिशोक्ती ठरणार नाही. उत्तर प्रदेशचे मुख्यमंत्री योगी आदित्यनाथ सुशासनाचे दावे करतात. एकीकडे योगी आदित्यनाथ गुन्हे आणि गुन्हेगारांवर वचक बसविण्याच्या बड्या-बड्या बाता करतात, मात्र उत्तर प्रदेशमध्ये गुंडगिरीने मोठा कळस गाठला आहे.
आता आग्य्रात विवाहितेवर सामूहिक बलात्कार झाल्याची धक्कादायक घटना उघडकीस आली आहे. लग्न सोहळ्यात जेवण बनवणाऱ्या मदतनीस महिलेवर कॅटररसह पाच जणांनी सामूहिक बलात्कार केल्याचा आरोप आहे. रविवारी रात्री उशिरा हा लाजिरवाणा प्रकार घडल्यानंतर तिला गंभीर अवस्थेत रस्त्यावर फेकून आरोपी पसार झाले.
बरहन पोलीस ठाण्यात पीडित महिलेच्या पतीने तक्रार दाखल केली आहे. पोलिसांनी गुन्हा दाखल करुन महिलेची वैद्यकीय तपासणी केली. तिला उपचारासाठी सरकारी रुग्णालयात दाखल करण्यात आले आहे. पोलिसांनी एका आरोपीला अटक केली असून इतरांचा शोध सुरु आहे. आग्रा ग्रामीण पोलीस अधीक्षक सत्यजीत गुप्ता या प्रकरणी अधिक तपास करत आहेत.
लग्न सोहळ्यानंतर आणखी काम मिळवून देण्याच्या आमिषाने कॅटरर आणि एका व्यक्तीने पीडित महिलेला निर्जनस्थळी नेले. तिथे तिघेजण आधीच उपस्थित होते. त्यानंतर पाच जणांनी मिळून तिच्यावर आळीपाळीने सामूहिक बलात्कार केला. शुद्धीवर आल्यानंतर पीडितेने पोलिसात जाऊन घडलेला प्रकार सांगितला. पीडित महिला समारंभांमध्ये जेवण बनवण्यासाठी मदतनीस म्हणून काम करते. आग्र्यातील एका लग्न सोहळ्यात पुरी तळण्याच्या कामासाठी पीडित महिला गेली होती.
महत्वाच्या बातम्या
- कोरोना संसर्गाच्या पार्श्वभूमिवर आगामी टी-२० विश्वचषकासाठी पर्यायी देशाचा आयसीसी करतेय विचार
- उपेक्षित बांधवांच्या हक्कांसाठी लढणारा हक्काचा माणूस आज काळाच्या पडद्याआड गेला – अजित पवार
- भारतात कोरोनाचा हाहाकार ; कॅनडा करणार १० मिलियन डॉलरची मदत
- आयुष्यभर काँग्रेसचा सर्वसमावेशक विचार तेवत ठेवणारा एक प्रमुख चेहरा हरपला !
- कौतुकास्पद! नाशिकच्या एकलहरे गावात ‘घर तिथे ऑक्सिजन बेड’चा निर्णय
