“काही दिवटे मातोश्रीना पैसे आणि भेटीची घड्याळं…”, अजित पवारांच्या ‘त्या’ वक्तव्यावरून भातखळकरांचे टीकास्त्र

🕒 1 min read

मुंबई: राज्यात यशवंत जाधव यांच्या डायरीचीच अधिक चर्चा होत आहे. यशवंत जाधव (Yashwant Jadhav), त्यांचे सहकारी आणि बीएमसी कंत्राटदार यांच्या निवासस्थानी २५ फेब्रुवारी रोजी आयकर विभागाला काही महत्त्वाचे पुरावे मिळाले होते. तपासात जाधव यांनी केलेल्या कोट्यवधींच्या संशयास्पद नोंदी असलेली डायरी सापडली असून अधिकाऱ्यांच्या म्हणण्यानुसार, डायरीतील एका नोंदीमध्ये मातोश्रीला ५० लाख रुपयांचे घड्याळ पाठवल्याचा उल्लेख आहे आणि दुसऱ्या नोंदीमध्ये गुढीपाडव्याला मातोश्रीला २ कोटी रुपयांची भेट पाठवल्याचा उल्लेख आहे.यावर उपमुख्यमंत्री अजित पवार (Ajit Pawar) यांनी स्पष्टीकरण देत बरेच जण स्वतःच्या आईला मातोश्री म्हणतात असे म्हटले. तर यावरच भाजप नेते अतुल भातखळकर यांनी अजित पवार यांच्यावर टीका केली आहे.

“हो आणि काही दिवटे, मातोश्री ना पैसे आणि भेटीची घड्याळं देऊन डायरीत टिपूनही ठेवतात”, असे टीकास्त्र अतुल भातखळकर यांनी ट्वीट करत केले आहे. दरम्यान, यशवंत जाधव यांनी आपल्या डायरीतील ‘मातोश्री’ हा उल्लेख म्हणजे आपली आई असल्याचे म्हटले आहे. आपल्याला दानाची २ कोटी रुपयांची रक्कम मिळाली. याचा वापर मराठी नववर्ष गुढीपाडव्याच्या भेटवस्तू देण्यासाठी केला. तसेच आईच्या नावावर लोकांना घड्याळांचे वाटप केल्याचा दावाही त्यांनी केला आहे.

अजित पवार नेमके काय म्हणाले?

यशवंत जाधव यांनी मी माझ्या आईला मातोश्री म्हणतो असे उत्तर दिले आहे. बरेच जण स्वतःच्या आईला मातोश्री म्हणतात. ते स्वतः सांगत असताना आपण त्याला अधिक उकळी देण्याचे काम का करत आहात? असा सवाल अजित पवार यांनी केला आहे.

महत्वाच्या बातम्या:

• ऑस्कर गोज टू…” ‘डय़ून’ चित्रपटाने पटकावले सर्वाधिक पुरस्कार,कोट्यवधी भारतीयांचे स्वप्न भंगले
• सिंधुदुर्ग आणि संपूर्ण कोकण शिवसेनेचा बालेकिल्ला- संजय राऊत
• “…हे तुम्हाला दिसत नाही का?”, सुप्रिया सुळेंच्या ‘त्या’ वक्तव्यावरून भाजपचा सवाल
• IPL 2022 : आज नव्या संघांमध्ये पहिली लढत; वाचा काय सांगते वानखेडेची खेळपट्टी!
• मधमाशी पालन व्यावसायिकांना कृषी विज्ञान केंद्रांमधून मदतीचा हात!