“कोण कसा डाव खेळतं हे डावाच्या…”, सोमय्यांच्या ‘त्या’ आरोपानंतर अनिल परबांची प्रतिक्रिया

मुंबई: दापोली मुरूड येथील साई रिसॉर्ट परिवहन मंत्री अनिल परब (Anil Parab) यांच्याशी संबंधित असल्याचा आरोप करणारे भाजप नेते किरीट सोमय्या यांनी ट्विट करत या जमिनीचे मूळ मालक विभास साठे यांचा मनसुख हिरेन होऊ शकतो, असे म्हणत यांची माहिती त्यांनी थेट पत्राद्वारे राज्याच्या पोलीस महासंचालकांना दिली आहे. यावरच अनिल परब यांनी आज एसटी वर्धापनदिनी कार्यक्रमात प्रतिक्रिया दिली आहे.

“मी किरीट सोमय्या यांना उत्तर द्यायला बांधील नाही. जे अधिकारी आम्हाला प्रश्न विचारतात त्यांची उत्तरे आम्ही देत आहोत. परंतु ही सगळी नौटंकी गेले वर्षभर चालु आहे.  आरोप असतील तर त्यांनी ते यंत्रणेकडे करावे. यंत्रणेने आमची चौकशी करावी, त्यातून सत्य बाहेर येईल. बुध्दिबळ आहे, कोण कसा डाव खेळतं हे डावाच्या अंती कळते. त्यामुळे यावर आता बोलणे योग्य नाही.”, असे अनिल परब यांनी म्हटले आहे.

दरम्यान एसटी वर्धापन दिनाचा मुहुर्त साधत महाराष्ट्र राज्य परिवहन मंडळाने पहिली इलेक्ट्रिक बस ‘शिवाई’ नावाने सोडलेली आहे. या महिन्या अखेरीस १५० बसेस पहिल्या टप्प्यात सरकारी योजनेतुन येतील. अशी माहिती अनिल परब यांनी दिली आहे.

महत्वाच्या बातम्या: 

• “ज्या दिवशी देवेंद्र फडणवीस मुख्यमंत्री होतील, माझ्याकडून मर्सिडिज गाडी बक्षीस…” ; नितेश राणेंची मोठी घोषणा
• IND vs SA : दक्षिण आफ्रिकाविरुद्धच्या टी-२० मालिकेत दिनेश कार्तिकपासून ते उमरानपर्यंत ‘या’ ५ खेळाडूंवर असेल चाहत्यांची नजर
• “पुणे महापालिकेवर भगवा फडकवणारच”, संजय राऊतांचा दावा
• बाळासाहेब ठाकरेंच्या एका सभेमुळे औरंगाबादची महानगरपालिका ताब्यात आलेली – प्रदीप जैस्वाल
• गायक kk यांच्या निधनांनंतर इमरान हाश्मी ट्विटरला ट्रेंडिंग; नेमकं काय आहे कारण?