‘अनिल देशमुख लवकर करा कोरोनावर मात, गो कोरोनाची राहिल तुम्हाला साथ’

मुंबई : महाराष्ट्र राज्याचे गृहमंत्री अनिल देशमुख यांना कोरोना झाल्याची माहिती ५ फेब्रुवारीला मिळाली. गृहमंत्र्यांनी स्वत: ट्विट करत याबाबत माहिती दिली आहे. अनिल देशमुख वेगवेगळ्या कार्यक्रमांसाठी राज्यातील विविध भागांच्या दौऱ्यावर होते. त्यांचा नुकताच आता विदर्भ दौरा झाला. या दौऱ्यादरम्यान त्यांना कोरोनाची लागण झाल्याची शक्यता आहे. दरम्यान, अनिल देशमुख यांनी संपर्कात आलेल्या सर्वांना कोरोनाची चाचणी करण्याचं आवाहन देखील केलं होत.

यानंतर सर्व नेत्यांनी त्यांना काळजी घेण्याचा सल्ला दिला आहे. नुकतंच केंद्रीय मंत्री रामदास आठवले यांनी अनिल देशमुखांना हलक्या फुलक्या पद्धतीने काव्यात्मक सदिच्छा दिल्या आहेत.

‘गृहमंत्री अनिल देशमुखजी आपण लवकर करावी कोरोनावर मात, गो कोरोना या घोषणेची राहील तुम्हाला साथ, कोरोनाने माझा केला होता पिच्छा, तेव्हा तुम्ही दिल्या होत्या मलाही शुभेच्छा, कारण तुम्ही आहात माझे चांगले मित्र, म्हणून मी आज रंगवितो शुभेच्छांचे शब्दचित्र,’ असे ट्विट करत रामदास आठवले यांनी केले आहे.

गृहमंत्री अनिल देशमुखजी आपण लवकर करावी कोरोनावर मात !
गो कोरोना या घोषणेची राहील तुम्हाला साथ!
कोरोना ने माझा केला होता पिच्छा
तेंव्हा तुम्ही दिल्या होत्या मलाही शुभेच्छा !
कारण तुम्ही आहात माझे चांगले मित्र
म्हणून मी आज रंगवितो शुभेच्छांचे शब्दचित्र @AnilDeshmukhNCP

— Dr.Ramdas Athawale (@RamdasAthawale) February 8, 2021

या ट्विटसोबत त्यांनी आणखी एक ट्वीट करत अनिल देशमुखांना लवकर बरे होण्यासाठी सदिच्छा दिल्या आहेत. अनिल देशमुखजी, आप कोरोना से मत डरोना, मैने तो बोला है गो कोरोना, कोरोना से मत हरोना। असे आणखी एक ट्विट आठवलेंनी केले आहे.

अनिल देशमुखजी
आप कोरोना से मत डरोना
मैने तो बोला है गो कोरोना
कोरोना से मत हरोना।@AnilDeshmukhNCP

— Dr.Ramdas Athawale (@RamdasAthawale) February 8, 2021

केंद्रीय राज्यमंत्री रामदास आठवले यांना काही महिन्यांपूर्वी कोरोनाची लागण झाली होती. काव्यात्मक अंदाजात प्रत्येक गोष्टीवर कोटी करणाऱ्या आठवलेंना राज्याचे गृहमंत्री अनिल देशमुख यांनीही हलक्या फुलक्या पद्धतीने काव्यात्मक सदिच्छा दिल्या होत्या.

'कोरोना-गो'चा घेतला ज्याने वसा,
ग्रासले त्याच कविमित्र रामदासा ll
धीर नका सोडू प्रसंग जरी आला बाका,
कोरोनात नाही दम इतका जो तुम्हा लावील धक्का ll@RamdasAthawale लवकर बरे व्हा. ????

— ANIL DESHMUKH (@AnilDeshmukhNCP) October 28, 2020

महत्वाच्या बातम्या

• त्या’ चौकशीची मागणी काँग्रेसने केली; टीकेचे धनी झालेल्या अनिल देशमुखांचं स्पष्टीकरण
• ‘पेग्वीन’ सेनेनं पूर्णपणे शरणागती पत्करलीय
• पवार ना कधी क्रिकेट खेळले ना कुस्तीत उतरले, तरीही ते समित्यांचे अध्यक्ष होते; सदाभाऊंचा टोला
• ‘२०२४ सालच्या लोकसभा आणि विधानसभा निवडणुकीत काँग्रेस हा राज्यात क्रमांक एकचा पक्ष होईल
• देशात काय मोगलाईचं राज्य आहे का ? अजित पवार संतापले