🕒 1 min read
अमरावती : आज देशभरात भाऊ बहिणीच्या नात्याचा उत्सव साजरा करणारा पवित्र सण म्हणजेच रक्षाबंधन आणि नारळी पौर्णिमा मोठ्या उत्साहात साजरे होत आहे. अनेक राजकीय नेत्यांच्या घरीही रक्षाबंधनाची लगबग पाहायला मिळत आहे. यावेळी अमरावतीत भाजप खासदार अनिल बोंडे यांच्या घरी देखील रक्षाबंधन सोहळा पार पडला. यावेळी त्यांच्या भगिनी संगीता शिंदेनी यांनी भाऊ अनिल बोंडे यांना राखी बांधली. तसेच पूरग्रस्त बहिणींच्या मदतीला भाऊ धावून जातो आणि पुढेही जाईल, असा विश्वास संगीता शिंदे यांनी व्यक्त केला. तर यावेळी अनिल बोंडें यांनी रक्षाबंधनाच्या निमित्ताने जुन्या आठवणींना उजाळा दिला.
शिंदे-फडणवीसांना पोलीस भगिनींनी बांधली राखी
रक्षाबंधनाच्या सणानिमित्त मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी विधानभवनासमोरील पोलीस चौकीत पोलीस भगिनीकडून राखी बांधून घेत आजचा सण साजरा केला. राज्यात युतीच सरकार सत्तेत आल्यापासून पोलिसांच्या घरांचे प्रश्न सोडवण्यासाठी मुख्यमंत्री शिंदे यांनी प्राथमिकता दिलेली होती. त्यामुळे हा सण पोलीस भगिनीसोबत साजरा करण्याचा निर्णय त्यांनी घेतला. यावेळी मंत्री दादाजी भुसे, आमदार संजय शिरसाट हे देखील उपस्थित होते.
महत्वाच्या बातम्या:
- Anil bonde | “शरद पवारांना पलटी मारण्याची खूप सवय आहे”; अनिल बोंडे यांची खोचक टीका
- Ashok Chavan | “…आता खातेवाटपासाठी ४० दिवस घालवणार का?”- अशोक चव्हाण
- Anil bonde | शिंदे आणि फडणवीस हे सर्वसमावेशक मंत्रिमंडळ बनवतील- अनिल बोंडे
- Ramdas Kadam । ‘शिवबंधन बांधून आयुष्यभरासाठी राजकारणातून संपवण्याचा प्रयत्न झाला’, कदमांचा उद्धव ठाकरेंवर गंभीर आरोप
- Ravi Rana | निराश होण्याच कारण नाही मला लवकरच मंत्री पद मिळेल – रवी राणा
