मुंबई : राष्ट्रवादी काँग्रेसचे नेते अजित पवार यांनी आज महाराष्ट्र सरकारवर हल्लाबोल केला. ते म्हणाले की, या सरकारला येऊन काही दिवस झाले आहेत. मात्र त्यांचे काही आमदार आतापासून महाराष्ट्रातील वातावरण बिघडवण्याचा प्रयत्न करत आहेत. कुणी म्हणतं हात तोडा, पाय तोडा…हा शाहू, फुले, आंबेडकरांचा महाराष्ट्र आहे. इथे काय चालले आहे? एकनाथ शिंदे आणि फडणवीस यांना हे बरोबर वाटते का?
एका आमदाराने सरकारी कर्मचाऱ्याला मारहाण केल्याचे अजित पवार यांनी सांगितले. ते आता कायदा हातात घेत आहेत. सरकारमध्ये आल्यानंतर त्यांना मस्ती आली आहे का? या लोकांना कसे रोखले जात नाही? हे सर्व महाराष्ट्र पाहत असल्याचे ते म्हणाले. १५ ऑगस्टला आपण स्वातंत्र्यदिन साजरा करतो, मग आमदारांची भाषा अशी कशी?
सुमारे १५ लाख हेक्टर क्षेत्राला पावसाचा फटका –
अजित पवार म्हणाले की, सुमारे १५ लाख हेक्टर क्षेत्राला पावसाचा फटका बसला आहे. ज्या महत्त्वाच्या मुद्द्यांवर चर्चा व्हायला हवी, त्याशिवाय इतरही मुद्दे आहेत. मात्र आता अचानक वंदे मातरम म्हणण्याचा मुद्दा चर्चेत आला. त्याला विरोध नाही, पण तुम्ही महागाईवर बोला, पेट्रोल-डिझेलवर बोला. सरकारमध्ये नसताना त्यांनी ज्या मागण्या केल्या होत्या, त्या सरकारमध्ये येऊन विसरले का?, असा प्रश्न अजित पवार यांनी उपस्थित केला.
महत्वाच्या बातम्या :
- Santosh Bangar | “मला झालेली मारहाण जनतेने बघितलीये”; बांगर यांनी केलेले आरोप मॅनेजरने फेटाळले
- Ramdas Athawale | निवडणूक आयोगाच्या निर्णयापूर्वी आठवलेंचे भाकीत! म्हणाले, “खरी शिवसेना…”
- Sameer Vankhede vs Nawab Malik | ॲट्रॉसिटी कायद्यांतर्गत नवाब मलिकांवर गुन्हा दाखल; समीर वानखेडे आक्रमक
- Raosaheb Danve| “…तिथे फोनवर बोलताना ‘वंदे मातरम’ म्हणणं चुकीचं नाही”; दानवेंनीही केले समर्थन
- Santosh Bangar । “…तर मी कायदा हातात घेणारच”; संतोष बांगर यांचे गंभीर विधान
