Ajit Pawar | “कुणाच्यात हिंमत असेल तर नरेंद्र मोदींचा फोटो न लावता निवडून येऊन दाखवा”, अजित पवार

🕒 1 min read

नवी दिल्ली : दिल्ली येथे राष्ट्रवादी काँग्रेसचं आठवं राष्ट्रीय अधिवेशन पार पडलं. यावेळी राष्ट्रवादीचे सर्वेसर्वा शरद पवार यांच्या भाषणाच्या आधी अजित पवार यांचं भाषण होणार होतं. मात्र त्याआधीच ते व्यासपीठावरून निघून गेले. यामुळे अजित पवार नाराज असल्याची चर्चा रंगू लागली होती. मात्र माध्यमांशी संवाद साधत असताना ते नाराज नसल्याचे अजित पवारांनी स्पष्ट केलं होतं. एवढंच नाही तर यावेळी त्यांनी भाजप पक्षाच्या उमेद्वारांवर देखील निशाणा साधला आहे.

अजित पवार यांनी भाजप उमेदवारांना फटकारलंः

व्यासपीठावरून निघून गेल्या बाबत अजित पवार यांना विचारण्यात आल्यावर आम्ही वॉशरूमलाही जायचं नाही का? असा सवाल त्यांनी उपस्थित केला होता. तसेच भाजपचे उमेदवार नरेंद्र मोदी यांचा फोटो लावून निवडून येतात, कुणाच्यात हिम्मत असेल तर त्यांनी मोदी साहेबांचा फोटो न लावता निवडून येऊन दाखवाव, अशा शब्दात भाजपवाल्यांना अजित पवार यांनी फटकारलं आहे.

एकनाथ शिंदे यांचा जयंत पाटलांवर हल्लाबोलः

दरम्यान मुख्यमंत्री एकनाथ शिंदे यांची काल औरंगाबाद येथील पैठण मध्ये सभा होती. या सभेमध्ये त्यांनी अजित पवार यांच्या नाराजगीच्या विषयावर भाष्य केलं. एवढंच नाही तर त्यांनी जयंत पाटील यांना देखील धारेवर धरलं. कसं काय पाटील बर हाय का,  दिल्लीमध्ये काय एकलं ते खरं आहे का, अशा डायलॉग बाजी मध्ये एकनाथ शिंदे यांनी अजित पवारांवर टीका केली. एवढंच नाही तर जयंत पाटील यांनी अजित पवारांना बोलावलं नव्हतं, कारण जयंत पाटील यांना विरोधी पक्षनेते व्हायचं होतं, मात्र ते झाले नाहीत आणि त्यामुळेच त्यांनी अजित दादांना यांना बोलावलं नसून अजित पवार रागात निघून गेले, असं एकनाथ शिंदे यांनी म्हटलं आहे.

महत्वाच्या बातम्याः

• Department of Animal Husbandry | पशुसंवर्धन विभागातील ११५९ रिक्त पदे बाह्यस्रोताद्वारे भरण्यास मान्यता
• Sada Sarvankar | दादागिरी भोवली! सदा सरवणकर यांची पिस्तुल जप्त
• Karuna Munde | राज्यात आणखीन एका दसरा मेळाव्यावरुन पेटणार वाद? करुणा मुंडे घेणार भगवान गडावर मेळावा
• FCI Recruitment 2022 | युवकांना भारतीय खाद्य महामंडळासोबत काम करण्याची मोठी संधी..
• Ajit Pawar | राष्ट्रवादीतही भूकंप होणार? अजित पवारांच्या भूमिकेमुळे शरद पवार तणावात!