वनडे कर्णधार बनल्यानंतर रोहितने केला भविष्यातील रणनीतीबद्दल खुलासा

नवी दिल्ली : भारताचा सलामीवीर रोहित शर्मा आता T20 नंतर एकदिवसीय संघाचे नेतृत्व करताना दिसणार आहे. T20 विश्वचषक संपल्यानंतर विराट कोहली ( virat kohli) ने T20 संघाचे कर्णधारपद सोडण्याचा निर्णय घेतला. तो कसोटी आणि एकदिवसीय संघाचे कर्णधारपद भूषवणार होता, पण मोठा निर्णय घेत बीसीसीआय (bcci)ने एकदिवसीय क्रिकेटची कमान रोहितकडे सोपवली आहे.

एकदिवसीय कर्णधार म्हणून रोहितसमोरील सर्वात मोठे आव्हान एकदिवसीय विश्वचषक २०२३ पूर्वी संतुलित संघ तयार करण्याचे असेल. त्याचवेळी रोहितने एका मुलाखतीत कर्णधार झाल्यानंतरच आपल्या भविष्यातील रणनीतीबद्दल खुलासा केला आहे. कोणत्याही वाईट परिस्थितीतून बाहेर पडून विजय मिळवू शकेल असा संघ तयार करणार असल्याचे रोहितने सांगितले आहे. रोहित म्हणाला की, तो नेहमीच खेळाडूंना सपोर्ट करताना दिसेल. एकदिवसीय संघाचा कर्णधार बनल्यानंतर रोहित शर्मा कोणत्या गोष्टीवर अधिक लक्ष केंद्रित करणार आहे ते पाहूया.

भारतीय संघ गेल्या काही काळापासून संतुलित प्लेइंग इलेव्हन तयार करण्यात अपयशी ठरला आहे. निवडकर्ते आणि संघ व्यवस्थापन आयसीसी स्पर्धेचा विचार करून सर्वोत्तम संघ तयार करण्याचा प्रयत्न करतात, परंतु प्रत्येक वेळी आयसीसी स्पर्धेसाठी जाहीर करण्यात आलेल्या संघाबाबत वाद निर्माण होतो. शेवटच्या ICC टूर्नामेंटसाठी निवडलेल्या संघांकडे पाहता, संघ नेहमीच योग्य प्लेइंग इलेव्हनसाठी लढत असल्याचे दिसते.

निवडकर्ते किंवा संघ व्यवस्थापन एकदिवसीय विश्वचषक 2019 मध्ये चौथ्या क्रमांकासाठी योग्य खेळाडूची निवड करू शकले नाहीत आणि ते स्पर्धेतील संघासाठी अत्यंत घातक ठरले. टी-२० विश्वचषकातही निवड समितीने दुखापतग्रस्त हार्दिक पंड्याचा संघात समावेश केला होता आणि हा निर्णय संघाला भारी पडला होता. युझवेंद्र चहलच्या जागी राहुल चहरची निवडही चर्चेत आली. अशा स्थितीत योग्य खेळाडूंसोबत खेळणार असल्याचे रोहितने म्हटले आहे.

कोहलीच्या नेतृत्वाखाली संघाने चांगली कामगिरी केली. पण कर्णधार म्हणून विराट कोहलीच्या वागणुकीबाबत अनेक खेळाडूंनी संघ व्यवस्थापनाकडे तक्रारही केली होती. रिपोर्टनुसार, या यादीत चेतेश्वर पुजारा आणि अजिंक्य रहाणे देखील होते. मात्र, रोहित शर्माने सांगितले की, मला खेळाडूंना सतत पाठिंबा द्यायचा आहे. तसेच खेळाडूंना कठोर परिश्रम करावे लागतील. रोहित शर्माच्या म्हणण्यावर तो ठाम राहू शकतो. कारण मुंबई इंडियन्सचा कर्णधार म्हणून तो अनेक युवा खेळाडू आणि अनुभवी खेळाडूंना सपोर्ट करताना दिसला आहे.

रोहित शर्मा म्हणाला, ‘एक कर्णधार म्हणून योग्य खेळाडूंना संधी देण्याचा माझा विचार आहे. खेळाडूंना सपोर्ट करणे – मैदानाबाहेर नियोजनासह अधिक काम केले जाते. योग्य नियोजन आणि रणनीतीने काम केले जाते. खेळाडूंना आत्मविश्वास देण्यासाठी खूप मेहनत घ्यावी लागते.

तो म्हणाला, ‘खेळाडूंनी सर्वात वाईट परिस्थितीसाठी तयारी करावी अशी माझी इच्छा आहे. सेमीफायनल किंवा फायनलमध्ये किंवा आयसीसी स्पर्धेच्या ग्रुप स्टेजमध्ये 10 धावांवर तीन विकेट पडल्या तर आम्ही काय करू? पुढील 1 वर्षात हीच तयारी करू. आमची मधली फळी कशी तयार करायची यावर आम्हाला मेहनत करावी लागेल. विराट कोहलीच्या नेतृत्वाखाली संघात कुठेतरी नियोजनाचा अभाव होता आणि त्यामुळेच संघाला अनेक महत्त्वाच्या सामन्यांमध्ये पराभवाला सामोरे जावे लागले.

रोहित शर्माने वेळोवेळी पुनरुच्चार केला आहे की कर्णधार संघातील सर्वात कमी महत्त्वाची व्यक्ती आहे. खेळाडूंना स्वतः खेळण्याची आणि ठसा उमटवण्याची संधी देऊन नेता पाठीशी असला पाहिजे, असे माझे मत आहे. शर्माने मुंबई इंडियन्सचा कर्णधार म्हणून यशस्वी कार्यकाळ पार पाडला आहे, त्याने पाच आयपीएल विजेतेपद जिंकले आहेत, जे इतिहासातील सर्वात जास्त आहे.

महत्वाच्या बातम्या:

• तुमचे खासदार सुद्धा आमच्या जीवावरच निवडून आलेत; शंभुराज देसाईंचा चंद्रकांत पाटलांना टोला
• जंगलपहाडातला योद्धा शेवटी जंगलातच कोसळला- संजय राऊत
• तुमचे कू कृत्य जनतेसमोर उघडे करू – आशिष शेलार
• अंकिता लोखंडेच्या लग्नास विलंब? ; लग्नापूर्वी दिली दु:खद बातमी
• ‘महाराष्ट्रातील ओबीसींवरच असा अन्याय का?’