नवी दिल्ली : कोरोनाचं सावट अद्यापही संपले नाही. कोरोनाच्या दोन्ही लाटेमध्ये देशाला प्रत्येक क्षेत्रात येणाऱ्या अडचणींना सामोरं जावं लागलं आहे. दररोज नविन कोरोना रुग्णांची नोंदही होत आहे. शिवाय कोरोनाचे नवनविन प्रकार समोर येत असल्याने कोरोना धोका वाढतच आहे. त्यातच आता आणखी धक्कादायक माहिती समोर आली आहे.
कोरोना टास्क फोर्सचे सदस्य असलेल्या डॉ. राहुल पंडित यांनी कोरोनाच्या नव्या लक्षणांची माहिती दिली आहे. ‘ऐकू येण्यात अडचणी, अतिशय जास्त अशक्तपणा, तोंड सुकणं, तोंडात लाळ कमी तयार होणं, बराच वेळ राहणारी डोकेदुखी, त्वचेवर चकत्या तयार होणं, डोळे येणं ही करोनाची नवी लक्षणं आहेत,’ असे पंडित यांनी सांगितले.
काही दिवसांपूर्वीच डॉ. राहुल पंडित मुख्यमंत्री उद्धव ठाकरेंच्या अध्यक्षतेखाली झालेल्या एका बैठकीत सहभागी झाले होते. त्यावेळी त्यांनी कोरोनाच्या नव्या लक्षणांची माहिती देत सरकारला सतर्कतेचे आवाहन केले होते.
कोरोनाची काही ठराविक लक्षणे अढळून आली होती. मात्र आता कोरोनाची नवी लक्षणे अढळून येत आसल्याचे निरीक्षण नोंदवले गेले आहे. कोरोनाव्यतिरिक्त अन्य व्हायरल इन्फेक्शन्सही अनेकांना होत असल्याचं समोर आलं आहे. त्यामुळे आता नागरिकांनी याची खबरदारी घेत काळजी घेणं महत्वाचं आहे.
महत्त्वाच्या बातम्या
- ‘उद्या तोच भगवा मुंबई महापालिकेवर फडकणारच’; नितेश राणेंचा विश्वास
- महाराष्ट्राची मान शरमेने खाली झुकली; पुण्यात १४ वर्षीय मुलीवर आठ नराधमांनी केला बलात्कार
- ‘तुमची औकात काय आणि बोलता किती!’, राणेंची राऊतांसह शिवसेनेवर खोचक टीका
- हृतिक चा ‘फायटर’ लवकरच ; सोशल मीडियावर फोटो व्हायरल
- ‘एक अजनबी हसीना से…’; शशी थरूर यांच्या गाण्याला रसिकांचा जोरदार प्रतिसाद
