🕒 1 min read
मुंबई : शिवसेना नेते आणि माजी मंत्री अर्जुन खोतकर यांनी मुख्यमंत्री एकनाथ शिंदे यांची भेट घेतली होती. या भेटीचे काही फोटो सोशल मीडियावर व्हायरल झाले होते. त्या फोटोंमध्ये शिंदे आणि खोतकर यांच्यासह मंत्री रावसाहेब दानवे देखील होते. त्यामुळेच खोतकर यांनी शिवसेनेला रामराम ठोकून शिंदे गटात सामील झाल्याच्या चर्चा रंगू लागल्या मात्र त्यांनतर स्वतः खोतकर मी शिवसेना सोडून गेलो नाही, जाणार नाही, असं सांगितलं होत. दुसरीकडे या भेटीनंतर दानवे आणि खोतकर यांच्यातील वाद संपले असून आज देखील या दोघांची भेट झाली असल्याचीही माहिती आता समोर येत आहे. यावरच शिवसेना खासदार संजय राऊत यांनी प्रतिक्रिया देत एक खुलासा केला आहे.
संजय राऊत म्हणाले कि, “दोन दिवसांपूर्वीच माझं आणि खोतकरांचं बोलणं झालं आहे. त्यावेळी बोलताना त्यांनी रावसाहेब दानवे यांच्यावर टीका केली होती. मी दानवेंना गाडल्याशिवाय शांत बसणार नाही, असं देखील ते म्हणाले होते. त्याचबरोबर दानवेंविषयी त्यांनी असे काही शब्द वापरले होते जे मी तुम्हाला सांगूही शकत नाही.” त्याचबरोबर खोतकर शिंदे गटात जाण्याच्या मार्गावर असल्याच्या प्रश्नावर उत्तर देताना राऊत म्हणाले कि, “जोपर्यंत अर्जुन खोतकर यासंदर्भात स्वत: हून काही सांगत नाहीत, तोपर्यंत ते शिवसेनेतच आहेत.”
आज अर्जुन खोतकर यांनी रावसाहेब दानवे यांची आज भेट घेतली. या भेटीत त्यांची तब्बल दीड तास चर्चा झाली. त्यामुळे जालन्याच्या या दोन्ही मातब्बर विरोधकांचे वाद आता मिटले आहेत, अशी चर्चा रंगू लागली. या भेटीनंतर माध्यमांशी बोलताना दानवे म्हणाले कि, “आमच्या दोघांमधले वाद आता मिटले आहेत. एकनाथ शिंदे यांनी यासाठी पुढाकार घेतला होता त्यामुळे त्यांच्यासमोर आम्ही एकमेकांना साखर भरवली.”
महतवाच्या बातम्या:
- Sanjay Shirsat | ‘बाळासाहेब ठाकरे’ तुमची प्रॉपर्टी नाही, ते प्रत्येक शिवसैनिकाचं दैवत ; संजय शिरसाट यांचा उद्धव ठाकरेंवर पलटवार
- Sandip Deshpande : “अडीच वर्षे संपत्ती झाली आता पुढची…”, संदीप देशपांडेंची उध्दव ठाकरेंवर खोचक टीका
- Udhdav Thackeray : पालापाचोळा गेला पण ठाण्यातील जनता आजही शिवसेनेसोबत, उद्धव ठाकरेंचा हल्लाबोल
- Uddhav Thackeray : स्वतःच्या आईवडिलांना घेऊन मत मागवीत, माझे वडील का चोरताय ?, उद्धव ठाकरेंचा सवाल
- Udhdav Thackeray: “बाळासाहेबांचं नाव नाही घेतलं तर लोकं…”, उद्धव ठाकरेंची शिंदेंवर टीका
