🕒 1 min read
मुंबई : बॉलिवूड अभिनेत्री आलिया भट आणि अभिनेता रणबीर कपूर आज दिनांक 14 एप्रिल रोजी विवाह बंधनात अडकले आहेत. काही वेळापूर्वी आलिया आणि रणबीर लग्नातील विधी करायला बसले होते. मिळालेल्या माहितीनूसार लग्नातले सर्व धार्मिक विधी पूर्ण झाले असून, आता रणबीर आणि आलिया एकमेकांचे जीवनसाथी झाले आहेत. मात्र लग्नातील फोटो बाबत मोठा सस्पेन्स ठेवण्यात आला होता.
आलिया आणि रणबीरचे लग्न होऊन दोन तास उलटून गेले तरी, एकही फोटो किंवा व्हिडीओ पोस्ट झाला नव्हता. आलिया आणि रणबीरच्या लग्नाआधी सोशल मिडीयावर अनेक फोटो, व्हिडीओ व्हायरल होत होते. परंतू अद्याप लग्नातील एकही फोटोही व्हायरल झाला नव्हता. त्यामुळे रणबीर आणि अलिया कसे दिसत असतील?, त्यांनी कशा प्रकारचे कपडे घातले असतील?, असे अनेक प्रश्न आलिया आणि रणबीरच्या चाहत्यांना पडले होते. मात्र आलियाने तिच्या इस्टाग्राम अकाऊंटवर लग्नाचे फोटो पोस्ट केले आहेत.
दरम्यान, आलिया आणि रणबीरच्या लग्न सोहळ्याला अनेक बॉलिवूड कलाकारांनी हजेरी लावली आहे. त्यामध्ये करिना कपूर, सैफ अली खान, दिग्दर्शक करण जोहर असे अनेक कलाकर उपस्थित असल्याचं समजतं आहे. तसेच आकाश अंबानी आणि श्लोका अंबानी हे दोघंही लग्नाला उपस्थित होते.
आलिया आणि रणबीर या दोघांच्या आयुष्यातील आज महत्वाचा दिवस आहे. ज्या दिवशी या दोघांनी सर्वांना सांगितले की, आम्ही लग्न करणार आहोत. त्या दिवसापासून आलिया आणि रणबीर या दोघांच्या लग्नाला घेऊन त्यांचे चाहते, त्याचप्रमाणे बॉलिवूडमधील अनेक कलाकार खूपच उत्सुक होते.
महत्वाच्या बातम्या :
- मद्यविक्रीतून ठाकरे सरकार मालामाल, रेकॉर्डब्रेक उत्पन्न!
- लग्न आलिया-रणबीरचे चर्चा मात्र करीना आणि सैफची; छोटे नवाब आणि बेबोचा कडक अंदाज
- IPL 2022 RR vs GT : राजस्थाननं जिंकला टॉस; ट्रेंट बोल्ट संघाबाहेर; ‘असे’ आहेत दोन्ही संघ!
- Alia And Ranbir Wedding : सस्पेन्स…सस्पेन्स करत पार पडलं लग्न! आलिया-रणबीरला पाहण्यासाठी चाहते उत्सुक
- Alia And Ranbir Wedding : अखेर आलिया बनली कपूर घराण्याची सून..! ‘शुभमंगल सावधान’ म्हणत पार पडला ग्रँड विवाह सोहळा!
बातम्यांसाठी YouTube चॅनेल Subscribe करा
Subscribe Now
