“मोदींच्या प्रत्येक आकांडतांडवाचा जवाब देऊ”, कॉंग्रेसचा इशारा

🕒 1 min read

मुंबई: पंतप्रधान नरेंद्र मोदींच्या (Prime Minister Narendra Modi) ७ फेब्रुवारीच्या भाषणाचे पडसाद महाराष्ट्रात उमटले आहेत. देशभर कोरोना पसरवण्यात कॉंग्रेस आणि महाराष्ट्र शासन जाबबदार असल्याचे त्यांनी म्हटले आहे. यावरच कॉंग्रेसच्या तीव्र स्वरूपाच्या प्रतिक्रिया उमटत आहेत. आता कॉंग्रेस नेते सचिन सावंत (Congress leader Sachin Sawant) यांनी मोदींच्या प्रत्येक आकांडतांडवाचा जवाब देऊ असा इशारा ट्वीट करत दिला आहे.

“७५ वर्षांतील सगळ्यात अपयशी व कर्तृत्वशून्य पंतप्रधानांचा असत्याचा विलाप व बेरोजगारी, ढासळती अर्थव्यवस्था, महागाई, ८४% लोकांचे घटलेले उत्पन्न, चीनचे संकट यांवर उत्तर नसल्याने अपयशाचे खापर दुसऱ्यावर फोडण्याचा आटापिटा ३ दिवस देश पाहतो आहे.मात्र त्यांच्या प्रत्येक आकांडतांडवाचा जवाब देऊ”, असे सचिन सावंत यांनी म्हटले आहे.

१. राज्यांनी लॉकडाऊन केला म्हणून करावा लागला- मोदी
मोदींनी कोणत्याही मंत्रालयाशी चर्चा न करता लॉकडाऊन जाहीर केला हे RTI द्वारे समोर आले.
२१ दिवसांत कोरोनावर मात करु हे का म्हणाले? नंतर लॉकडाऊन का वाढविला?
टाळ्या, थाळ्या व घंटा का वाजवायला लावल्या? https://t.co/v6hwHJY9Yf

— Sachin Sawant सचिन सावंत (@sachin_inc) February 10, 2022

मोदींच्या ‘त्या’ आरोपांवर कॉंग्रेसचे प्रत्युत्तर-

राज्यांनी लॉकडाऊन केला म्हणून करावा लागला असे मोदी यांनी म्हटले. मात्र मोदींनी कोणत्याही मंत्रालयाशी चर्चा न करता लॉकडाऊन जाहीर केला हे RTI द्वारे समोर आले. मग २१ दिवसांत कोरोनावर मात करु हे का म्हणाले? नंतर लॉकडाऊन का वाढविला? टाळ्या, थाळ्या व घंटा का वाजवायला लावल्या? असा सवाल सचिन सावंत यांनी केला आहे.

तसेच महाराष्ट्र काँग्रेसमुळे व मुंबईतील उत्तर भारतीय स्थलांतरित मजूरांमुळे कोरोना पसरला असा आरोपही मोदींनी केला. यावर  मोदींनी २४ मार्च २०२० ला लॉकडाऊन जाहीर केला. ८ वाजताच्या मोदींच्या भाषणाबरोबर ४ तासाची मुदत अधिक भितीदायक होती. मोदींनी २१ दिवसांत कोरोनावर मात करु म्हटले. ती मुदत १४ एप्रिलला संपली. पहिली श्रमिक ट्रेन १ मेला सुरू झाली. म्हणजे ३८ दिवसांनंतर. गुजरातमधून १०२७ ट्रेन निघाल्या व १५ लाख मजूर घरी परत गेले. महाराष्ट्रातून ८४४ ट्रेनमधून १२ लाख मजूर घरी परतले. मग कोरोना गुजरातमधून जास्त पसरला पाहिजे होता, महाराष्ट्रातूनच कसा पसरला? गुजरातमध्ये मजूरांना का नाही थांबवले? असा सवाल कॉंग्रेस नेते सचिन सावंत यांनी केला आहे.

महत्वाच्या बातम्या:

• मनपा आयुक्तांवर शाई फेकल्याप्रकरणी आमदार रवी राणांसह कार्यकर्त्यांवर गुन्हा

• “सध्याच्या महागाईसाठीही मोदी सरकार नेहरू-गांधी आणि काँग्रेसकडे बोट दाखविणार का?”

• IND vs WI: सलग १५ व्या वर्षी भारताचे विंडीजवर वर्चस्व कायम

• अनिल देशमुखांनी दिली कुटुंबियांना जीवे मारण्याची धमकी; सचिन वाझेंचा गौप्यस्फोट

• नितेश राणे यांना जामीन मंजूर, मात्र कणकवलीत प्रवेश बंदी