मनपा आयुक्तांवर शाई फेकल्याप्रकरणी आमदार रवी राणांसह कार्यकर्त्यांवर गुन्हा

अमरावती: राजापेठ अंडर बायपास उड्डाणपुलावर आमदार रवी राणा यांनी १२ जानेवारी रोजी छत्रपती शिवाजी महाराजांचा पुतळा बसवला होता. मात्र प्रशासनाने रात्रीतून पुतळा काढल्याने वाद निर्माण झाला होता. आता तो वाद अजूनच चिघळला आहे. काल (९ फेब्रुवारी) काही महिलांनी महापालिका आयुक्त प्रवीण आष्टीकर यांच्यावर शाई फेकल्याची घटना समोर आली आहे. (Ink thrown on Municipal Commissioner Praveen Ashtikar) याप्रकरणी आमदार रवी राणांसह (MLA Ravi Rana) दहा कार्यकर्त्यांवर गुन्हा दाखल करण्यात आला आहे.

आमदार रवी राणासह अजय बोबडे, विनोद येवतीकर, सुरज मिश्रा, संदीप गुलहाने, महेश मूलचंदानी, अजय मोरया, कमलकिशोर मालानी, प्रीती देशपांडे, साक्षी उमक आणि मीरा कोलटेके यांच्यावर गुन्हे दाखल झाल्याची माहिती समोर आली आहे.

दरम्यान आयुक्त प्रवीण आष्टीकर यांच्यावर शाई फेक करणाऱ्या महिला खासदार नवनीत राणांच्या (MP Navneet Rana) कार्यकर्त्या असल्याचे म्हटले जात आहे. तर घटनेची माहिती मिळताच पोलीस तिथे पोहचले. पोलिसांनी सावरासावर केली मात्र, त्या महिलांना तेथून पळ काढण्यात यश मिळाले.

महत्वाच्या बातम्या:

• राहुल गांधी मर्यादित बुद्धीचे – जे. पी. नड्डा

• शिवाजी पार्कचा मसणवटा करू नका – प्रकाश आंबेडकर

• ‘…आणि मी नाही त्यातला म्हणायचं’; नारायण राणेंचा राऊतांना टोला

• अनिल देशमुखांनी दिली कुटुंबियांना जीवे मारण्याची धमकी; सचिन वाझेंचा गौप्यस्फोट

• नितेश राणे यांना जामीन मंजूर, मात्र कणकवलीत प्रवेश बंदी