असं रक्तरंजित राजकारण कोकणात कधीच नव्हतं – दीपक केसरकर

🕒 1 min read

सिंधुदुर्ग: सिंधुदुर्ग जिल्हा बँकेचे अध्यक्ष सतीश सावंत यांचे प्रचारप्रमुख संतोष परब (Santosh Parab) यांच्यावर झालेल्या जीवघेण्या हल्ल्याप्रकरणी केंद्रीय मंत्री नारायण राणे (Narayan Rane) यांचे पुत्र आमदार नितेश राणे (Nitesh Rane) यांच्यावर गुन्हा दखल झाला होता. त्याप्रकरणी त्यांनी सिंधुदुर्ग सत्र न्यायालयात (District Court) अटकपूर्व जमीन अर्ज केला होता. काल (३१ जाने.) या अर्जावरची सुनावणी पूर्ण झाली असून न्यायालयाने त्यांचा अटकपूर्व जमीन अर्ज फेटाळला.

दरम्यान दीपक केसरकर (Deepak Kesarkar) यांनी ट्विट करत राणे पिता-पुत्र आणि कोकणातील एकंदरीत राजकारणावर भाष्य केले. केसरकर म्हणाले, ‘एखाद्याला मारण्यासाठी माणसं पाठवणं राजकारण नाही. राजकारणासाठी ते गुन्हेगारीचा वापर करतात. जी व्यवस्था आहे तिचा वापर करणं चुकीचं आहे. असं रक्तरंजित राजकारण कोकणात कधीच नव्हतं. त्याची सुरुवात यांनी केली आहे. त्यामुळे चांगल्या पद्दतीने तपास करण्यात आला असं मला वाटतं.

तसेच परिवहन मंत्री अनिल परब यांनी देखील या प्रकरणी आपले मत मांडले आहे. ‘कोर्टात शरणागतीचा कोणताही अर्ज केलेला नाही. जोपर्यंत शरण येत नाही तोपर्यंत जामीन अर्जासाठी पात्र होत नाही. जोपर्यंत अटक होत नाही तोपर्यंत जामीन होत नाही. म्हणून कोर्टाने अर्ज फेटाळला असून ते आता हायकोर्टात जातील. पण त्यांना आधी शरण जावं लागेल असे परब म्हणाले.

महत्वाच्या बातम्या:

• अभिनेत्री शबाना आजमी यांना कोरोनाची लागण
• यंदाचाही ‘अर्थहीन’ अर्थसंकल्प; अजित पवारांची प्रतिक्रिया
• Budget 2022: क्रीडा क्षेत्रातही आतापर्यंतची सर्वात मोठी वाढ
• अर्थमंत्री निर्मला सीतारमण यांचे आजपर्यंतचे सर्वात छोटे अर्थसंकल्पीय भाषण!
• या अर्थसंकल्पातून गरीबांचा जास्तीत जास्त गळा आवळून श्रीमंतांना आणखी श्रीमंत करण्याचा प्रयत्न-हेमंत पाटील