पवार साहेबांचा वारसा यशस्वीपणे चालवत असल्याचे अजित दादांनी आज सिद्ध केले- रुपाली पाटील

🕒 1 min read

सिंधुदुर्ग : आज(२६ डिसें.) सोशल मीडियावर एका रणरागिणीचा फोटो मोठ्या प्रमाणात व्हायरल झाल्याचे बघायला मिळाले. हा व्हायरल झालेला फोटो महिला कॉन्स्टेबल तृप्ती मुळीक यांचा असून तृप्ती ह्या मूळच्या कोल्हापूर जिल्ह्यातील अंबप पाडळी येथील आहेत. या व्हायरल झालेल्या फोटोमध्ये सिंधुदुर्ग जिल्ह्याच्या दौऱ्यावर असताना उपमुख्यमंत्री अजित पवार (Ajit Pawar) , उच्च आणि तंत्रशिक्षण मंत्री उदय सामंत (Uday Samant) आणि गृहराज्यमंत्री सतेज पाटील ( Satej Patil) यांच्या गाडीचे सारथ्य तृप्ती यांनी केल्याचे बघायला मिळाले. त्यामुळे हा फोटो चर्चेचा विषय बनला आहे.

याच पार्श्वभूमीवर राष्ट्रवादीच्या नेत्या रुपाली पाटील ठोंबरे यांनी ट्विट केले असून ट्विटमध्ये त्या म्हणाल्या आहेत की,’लडकी हू लढना जानती हु ! सिंधुदुर्ग दौऱ्यावर उपमुख्यमंत्री अजित पवार यांच्या गाडीचे सारथ्य महिला कॉन्स्टेबल तृप्ती मुळीक यांनी केले. आदरणीय पवार साहेबांनी महिलाना नेहमी संधी दिली, अजित दादांनी आज महिला भगिनीवर पुन्हा विश्वास दाखवुन तोच वारसा यशस्वी चालवत असल्याचे सिद्ध केले आहे’, असे त्या म्हणाल्या आहेत.

लडकी हू लढना जानती हु ! सिंधुदुर्ग दौऱ्यावर उपमुख्यमंत्री @AjitPawarSpeak यांच्या गाडीचे सारथ्य महिला कॉन्स्टेबल तृप्ती मुळीक यांनी केले. आदरणीय पवार साहेबांनी महिलाना नेहमी संधी दिली, अजित दादानी आज महिला भगिनीवर पुन्हा विश्वास दाखवुन तोच वारसा यशस्वी चालवत असल्याचं सिद्ध केल pic.twitter.com/okvE1M6Nid

— Rupali patil thombare (@Rupalispeak) December 26, 2021

दरम्यान, उपमुख्यमंत्री अजित पवार , उदय सामंत आणि सतेज पाटील हे आज जिल्ह्याच्या दौऱ्यावर होते. त्यामुळे मोठा बंदोबस्त तैनात करण्यात आला होता. परंतु तिन्ही मंत्र्यांचे सारथ्य एक महिला कॉन्स्टेबल करत होती, या गोष्टीने सर्वांना आश्चर्यचकित केले.

महत्त्वाच्या बातम्या

• ‘जीन्स घालणाऱ्या मुलींना पंतप्रधान मोदी…’, काँग्रेस नेत्याचे खळबळजनक वक्तव्य
• ‘शिवसेनाप्रमुख कोण होते, तेही सांगून टाका?’, भातखळकरांचा संजय राऊतांना सवाल
• “ऑक्सिजन प्लांट सज्ज करण्याच्या काळात झोपा काढल्या…”, भातखळकरांची टोपेंवर टीका
• ‘खडसेंचे मानसिक संतुलन बिघडले’, शिवसेना आ.चंद्रकांत पाटील यांचे टीकास्त्र
• “नवाब मलिक स्वतःला भारताच्या सर्वोच्च न्यायालयाचे सरन्यायाधीश समजतात काय?”