जळगाव : जळगावात शिवसेनेचे मुक्ताईनगरचे आमदार चंद्रकांत पाटील(Chandrakant Patil) विरुद्ध राष्ट्रवादीचे नेते एकनाथ खडसे(Eknath Khadse) यांच्यातील राजकारण चांगलेच तापले आहे. एकनाथ खडसे यांनी आमदाराच्या ड्रायव्हरची एका महिलेसोबतची अश्लील ऑडिओ क्लिप असल्याचा दावा खडसे यांनी केला होता. यावर आता पाटील यांनी प्रत्युत्तर दिले असून खडसेंचे मानसिक संतुलन बिघडले, असे खळबळजनक वक्तव्य त्यांनी केले आहे.
यासंदर्भात प्रसार माध्यमांशी संवाद साधत असतांना चंद्रकांत पाटील म्हणाले की,’एकनाथ खडसे यांचे संतुलन बिघडले आहे. खडसे यांची मुलगी मारण्याची भाषा करते. मधल्या काळात ही खडसेंनी माझ्यावर खोटेनाटे आरोप केले होते. त्यांची परिस्थिती चोरासारखी झाली आहे. तसेच एकनाथ खडसेंनी एका महिलेसंदर्भात भाषणात अपशब्द वापरला. त्यामुळे त्यांच्यावर मुंबईत कलम ५०९ खाली गुन्हा दाखल आहे. ३० वर्ष तुम्ही लोकप्रतिनिधी होता. पण तुमच्या सारखा खोटारडा माणूस महाराष्ट्राला लोकप्रिय झाला नाही’, असेही ते म्हणाले.
दरम्यान, पुढे पाटील म्हणाले की, एकनाथ खडसेंचा पोलिसांवर दबाव आहे. दबावाचे राजकारण करून खोटे गुन्हे दाखल करण्याची नीती खडसे कुटुंबीयांची आहे. कोणती ऑडिओ क्लिप दाखवता?असा सवाल करत ऑडिओ क्लिपशी माझा संबंध असला तर मी आमदारकीचा राजीनामा देईल, असेही ते म्हणाले आहेत.
महत्वाच्या बातम्या
- “स्वतःला ‘देव’ म्हणवून घेणारे तोऱ्यात वावरत आहेत”, राऊतांचा राेखठोकमधून मोदींवर प्रहार
- “लोकसभेच्या गॅलरीतून डोकावणारे पत्रकार ही लोकशाहीची खरी…”, लोकसभेत पत्रकार बंदीवर राऊतांची टीका
- मंदिर बांधून देऊ म्हणणाऱ्यांनी ७०० शेतकऱ्यांचे बळी घेतले-खा. संजय राऊत
- पंतप्रधान मोदींची घोषणा; ‘या’ तारखेपासून सुरु होणार १५ ते १८ वयोगटातील मुलांचे लसीकरण
- ‘ज्यांच्या पक्षाची अर्थव्यस्था डबघाईला आली, ते देशाची अर्थव्यस्था कशी मजबूत करतील?’
