नाशिकमधील पहिली ते सातवीच्या शाळा उघडणार ‘या’ तारखेपासून

🕒 1 min read

नाशिक : शहरातील पहिली ते सातवीच्या शाळा आता दीर्घ प्रतीक्षेनंतर उघडणार आहेत. १३ डिसेंबरपासून नाशिकमधील पहिली ते सातवीच्या शाळा सुरू करण्याचा निर्णय गुरुवारी झालेल्या महापालिका आयुक्त आणि महापालिका शिक्षण विभागाच्या बैठकीत घेण्यात आला आहे.

दरम्यान या बैठकीनंतर शाळा भरविण्याबाबतचे सर्व नियम संबंधित शाळांपर्यंत पोहोचविल्याची माहिती महापालिका शिक्षण विभागाच्या प्रशासनाधिकारी सुनीता धनगर यांनी दिली आहे. शालेय शिक्षण विभागाच्या सूचनेनुसार १ डिसेंबरपासून राज्यातील शाळा सुरू करण्यास परवानगी देण्यात आली होती. मात्र स्थानिक परिस्थितीची पाहणी करून याबाबत निर्णय घेण्याचा अधिकार महापालिका आयुक्तांना देण्यात आला होता. त्यानुसार नाशिक महापालिकेचे आयुक्त कैलास जाधव (Nashik Municipal Commissioner Kailas Jadhav)यांनी येत्या १३ डिसेंबरपासून शाळा उघडणार असल्याचे म्हटले आहे.

दरम्यान नाशिक महापालिकेचे आयुक्त कैलास जाधव यांच्या सूचनेनुसार शहरातील शाळांकडून माहिती मागविली होती. ६१ टक्के शाळांनी पालकांच्या सहमतीसह शिक्षकांच्या लसीकरणाची माहिती पाठविली आहे. तर बहुतांश शाळांची तयारी पूर्ण झाली असून, उर्वरित शाळांना येत्या तीन दिवसांत सॅनिटायझेशनसह सर्व नियोजन करण्याची सूचना देण्यात आली असल्याचे आयुक्त कैलास जाधव यांनी म्हटले आहे.

महत्वाच्या बातम्या

• तुमचे खासदार सुद्धा आमच्या जीवावरच निवडून आलेत; शंभुराज देसाईंचा चंद्रकांत पाटलांना टोला
• जंगलपहाडातला योद्धा शेवटी जंगलातच कोसळला- संजय राऊत
• मानवी हक्कांचा आदर करणे आपल्या राज्यघटनेच्या मूलभूत तत्त्वांपैकी एक आहे- नवाब मलिक
• ‘विराटला टी-२० कर्णधारपद न सोडण्याची केली होती विनंती, पण…; सौरव गांगुलीचा खुलासा
• ‘अर्थ स्पष्ट आहे यांना ओबीसींना आरक्षण द्यायचं नाही, केंद्राच्या नावाने हात पाय…’