🕒 1 min read
दौंड : एसटी कर्मचाऱ्यांचा संप दिवसेंदिवस चिघळत चालले असून राज्यातील हजारो कर्मचाऱ्यांवर निलंबनाची कारवाई करण्यात आली आहे. त्यातच आता पुण्यातील ८ कर्मचाऱ्यांवर संपासंदर्भात व्हॉटसअॅप स्टेटस ठेवल्याने कारवाई केली आहे. संप काळात व्हॉट्सअप ग्रुप व अन्य प्रसिध्दी माध्यमांद्वारे चिथावणीखोर वक्तव्य केल्याचा ठपका ठेवत दौंड एसटी आगारातील आठ कर्मचार्यांना निलंबित करण्यात आले आहे.
महाराष्ट्र राज्य मार्ग परिवहन महामंडळाचे राज्य शासनामध्ये विलिनीकरण करण्याच्या मुख्य मागणीसाठी दौंड एसटी आगारातील १६३ कर्मचारी ८ नोव्हेंबर पासून संपात सहभागी झाले आहेत.
दरम्यान, यांपैकी ५ चालक व ३ वाहक, असे एकूण ८ कर्मचार्यांना ११ नोव्हेंबर रोजी एका आदेशान्वये निलंबित करण्यात आले आहे. विभागीय वाहतूक अधीक्षक यांच्या स्वाक्षरीने हे आदेश काढण्यात आले आहेत. निलंबनाच्या आदेशात कामावर गैरहजर राहणे, इतर कर्मचार्यांना कामावर जाण्यास मज्जाव करणे, व्हॉट्सअप ग्रुप व इतर प्रसिध्दी माध्यमांतून चिथावणीखोर वक्तव्य केल्याचा ठपका ठेवण्यात आला आहे.
महत्त्वाच्या बातम्या
- …तर असे साखर कारखाने स्वाभिमानी शेतकरी संघटना चालू देणार नाही- राजू शेट्टी
- हिंदुत्वाची तुलना आयएसआयएसशी करणे चुकीचे- गुलाम नबी आझाद
- ‘काळानुरूप बदलली तरच सहकार चळवळ टिकेल’, गडकरींनी व्यक्त केली अपेक्षा
- कोरोनाविरोधातील लढा अंतिम टप्प्यात, परंतु…- मनसुख मंडाविया
- सुसाइड नोट लिहून काँग्रेस आमदाराच्या मुलाची आत्महत्या
