“विधानसभेची निवडणूक होईल तेव्हा आशाताईंना आपण आमदार झालेले पाहू”

🕒 1 min read

पुणे : शिवसेनेच्या नेत्या आणि पुणे जिल्हा परिषद सदस्या आशा बुचके यांनी आज भाजपमध्ये प्रवेश केला. या पक्षप्रवेशाच्या कार्यक्रमामध्ये विरोधी पक्षनेते देवेंद्र फडणवीस, भाजपचे प्रदेशाध्यक्ष चंद्रकांत पाटील उपस्थित होते. यावेळी चंद्रकांत पाटील यांनी शिवसेनेवर टीका केली आहे.

आशा बुचके यांना शिवसेनेत न्याय मिळाला नाही. पण भाजपमध्ये त्यांचा सन्मान राखला जाईल आणि त्यांना न्यायही मिळेल. जेव्हा विधानसभेची निवडणूक होईल त्यावेळी त्यांना आमदार झालेले पाहू, असा विश्वास व्यक्त करत चंद्रकांत पाटलांनी शिवसेनेवर टीका केली आहे.

भाजपमध्ये प्रवेश केल्यामुळे आपल्याला मोकळा श्वास घेतल्यासारखे वाटत असल्याचं आशा बुचके यांनी पक्षप्रवेश केल्यानंतर सांगितले होते. त्याच मुद्द्याला धरुन विरोधी पक्षनेते देवेंद्र फडणवीस यांनी महाविकास आघाडीवर टीका केली.

राज्यात भाजपविरोधात तीन पक्षांचे आघाडी सरकार सत्तेवर आल्यानंतर तिन्ही पक्षांची कोंडी होत आहे. त्यामुळे भाजपला पक्षविस्ताराची संधी निर्माण झाली आहे. युतीमध्ये असताना भाजपला पक्षविस्ताराला संधी मिळत नव्हती. आगामी काळात संपूर्ण महाराष्ट्रात मोकळ्या श्वासाने पक्षाचे काम करू आणि २०२४ च्या विधानसभा निवडणुकीत स्वबळावर भाजपला सत्तेवर आणू, असा विश्वास फडणवीसांनी व्यक्त केला आहे.

आशा बुचके यांच्यासारख्या कार्यकर्त्या सत्तारूढ पक्षातून भाजपमध्ये येतात ही स्वबळावरील विजयाची नांदी आहे. बुचके यांच्यासोबत हजारो कार्यकर्ते भाजपमध्ये प्रवेश करत आहेत. त्यांचा पक्षात सन्मान केला जाईल, असेही देवेंद्र फडणवीस म्हणाले आहेत.

महत्त्वाच्या बातम्या

• मराठा आरक्षणासाठी २ सप्टेंबरला राज्यभरात कलेक्टर कचेरीसमोर आंदोलन करणार-विनायक मेटे
• ‘मुंबई ते नागपूर’ हायस्पीड बुलेट ट्रेन; ६० टक्के जमीन समृद्धीची तर ४० टक्के शेतकऱ्यांची!
• ‘मुख्यमंत्री हे संकटमोचक, अनेक संकटे येऊनही ते उत्कृष्ट काम करतायत’
• वैजापूरात मुख्यमंत्री-प्रधानमंत्री ग्रामसडक योजनेतील रस्ते निकृष्ट; आ. बोरनारेंची ठाकरे सरकारकडे निधीची मागणी!
• ‘मोदी सरकारच्या दबावातून काही जण महावसुली म्हणत बोंबलत आहेत, पण..’