🕒 1 min read
औरंगाबाद : उघड्या घरातून मोबाइल चोरणा-या दोघांना गुन्हे शाखा पोलिसांनी अटक केली आहे. या चोरांकडून पोलिसांनी तब्बल बारा मोबाइल जप्त केले आहेत. ही कारवाई शुक्रवारी सायंकाळी सिडकोतील सावरकर चौकात करण्यात आली. फेरोज खान अब्दुल शेख बादशहा (३०, रा. बायजीपुरा) आणि सिकंदर शहा वसीम शहा (३८, रा. शहा कॉलनी, बाजार गल्ली, खुलताबाद) अशी दोघांची नावे आहेत.
मोबाइल विक्री करण्यासाठी दोन जण सावरकर चौकात येणार असल्याची माहिती गुन्हे शाखेला मिळाली होती. त्यावरुन पोलीस निरीक्षक अविनाश आघाव यांच्या मार्गदर्शनाखाली उपनिरीक्षक रावसाहेब जोंधळे, सहायक फौजदार नजीर पठाण, जमादार सुधाकर मिसाळ, नवसारे, पोलीस नाईक अश्वलिंग होनराव, डाखोरे, जायभाये आणि चालक गायकवाड यांनी सापळा रचून त्यांना अटक केली.
पिशवीत विक्री करण्यासाठी आणलेले बारा मोबाइल शेख फेरोज आणि सिकंदर शहा यांच्याकडून जप्त करण्यात आले. या दोघांना सध्या मुकुंदवाडी पोलिसांच्या स्वाधीन करण्यात आले आहे. पुढील तपास मुकुंदवाडी पोलीस करीत आहे.
महत्त्वाच्या बातम्या
- राहुलच्या शतकी खेळीने वाढल्या ‘या’ खेळाडूंच्या अडचणी, पुनरागमनाची वाट झाली खडतर
- ‘आजपासून २५ वर्षांनी जे कोणी पंतप्रधान असतील…’
- ‘मला अजितदादाही १२ आमदारांबद्दल बोलत नाहीत, तुम्ही कोण विचारणारे?’ राज्यपालांनी काँग्रेस नेत्याला सुनावले
- ‘जम्मू काश्मीरमध्ये लवकरच विधानसभा निवडणुका’, स्वातंत्र्यदिनी मोदींची मोठी घोषणा
- कोरोना संकटातील भारताची लढाई हा जगभरात चर्चेचा विषय-पंतप्रधान मोदी
