होमिओपॅथिक गोळ्यांचे वाटप गावपुढाऱ्याच्या अंगलट, बीडमध्ये पोलिसांत तक्रार

🕒 1 min read

बीड : वडवणी तालुक्यातील खळवट निमगावमध्ये एका गावपुढाऱ्याने कोरोनापासून बचावासाठी उपयुक्त म्हणून काही होमिओपॅथिक गोळ्यांचे वाटप केले. पण, हे वाटप त्याच्या अंगलट आले. याप्रकरणी वैद्यकीय अधिकाऱ्यांनी पोलिसांत तक्रार अर्ज दिला आहे.

वडवणी तालुक्यातील खळवट निमगावमध्ये सध्या कोरोनाचा संसर्ग वाढत आहे. गावात काही रुग्ण सापडले आहेत. हे गाव सध्या कंटेनमेंट झोन करण्यात आले आहे. दरम्यान, या गावातील कार्यकर्ते राहुल पांडुरंग आंबुरे यांनी गावात होमिओपॅथिक गोळ्यांचे वाटप केले. एका छोट्या बॉटलमध्ये साबुदाण्यासारख्या या गोळ्या आहेत. दरम्यान, कुप्पा येथील प्राथमिक आरोग्य केंद्रातील वैद्यकीय अधिकारी डॉ. धनंजय ठोकरे यांनी याबाबत आक्षेप घेत पोलिसांत तक्रार दिली आहे.

आरोग्य विभागाची पूर्व परवानगी न घेता गोळ्यांचे वाटप केले, या गोळ्यांवर कंपनीचे लेबल, उत्पादन दिनांक, मुदतबाह्य दिनांक, बॅच नंबर असा कशाचाही उल्लेख नसल्याने योग्य ती कारवाई करावी, असे तक्रारीत म्हटले आहे. आता पोलीस काय कारवाई करतात याकडे लक्ष लागले आहे.

महत्त्वाच्या बातम्या

• ‘बारा बलुतेदारांना आर्थिक मदत करावी’, ओबीसी काँग्रेसची मागणी
• मागासवर्गीय पदोन्नतीचा आदेश रद्द करण्यात यावा, वंचित बहुजन आघाडीची मागणी
• डॉक्टरांविषयी ‘ते’ वक्तव्य अंगलट; IMA कडून बाबा रामदेव यांना १ हजार कोटींची अब्रुनुकसानीची नोटीस
• ‘तुम्ही तज्ज्ञ नाहीत, रुग्णांच्या जिवाशी खेळू नका’, व्हेंटिलेटर प्रकरणावरून खंडपीठाने नेत्यांना सुनावले
• ‘राज्यकर्त्यांनी राजकारण सोडून मराठा समाजासाठी एकत्र यावे’, खा.संभाजीराजेंचे आवाहन