🕒 1 min read
कोल्हापूर : ४ मार्च रोजी गोकुळ दूधसंघाच्या निवडणुकांचा निकाल जाहीर झाला आहे. तब्बल ३० वर्षांनी गोकुळ मध्ये सत्तापालट झाला असून सतेज पाटील-मुश्रीफ गटाने महादेवराव महाडिक यांच्या गटाला मोठा झटका बसला आहे. एकाबाजूला निवडणुकांमुळे जिल्ह्यातील राजकारण तापलं असतानाच कोल्हापूरसह पश्चिम महाराष्ट्रात कोरोना रोगाने हाहाकार माजवला आहे.
त्यामुळे अनेक जिल्ह्यांमध्ये पूर्ण लॉकडाऊन व जनता कर्फ्यू सारखे कठोर निर्णय घेतले जात आहेत. दरम्यान, गुरुवारी कर्नाटकच्या बेल्लारीमधून केंद्र सरकारद्वारे येणारा ऑक्सिजन कर्नाटक सरकारने रोखल्यामुळे ऑक्सिजनची टंचाई निर्माण होण्याची भीती व्यक्त केली जात असताना आता पालकमंत्री सतेज पाटील आणि गोकुळने ऑक्सिजन निर्मितीसाठी पुढाकार घेतला आहे.
गोकुळ दूध संघ ऑक्सिजन प्लान्ट उभारणार आहे, अशी मोठी घोषणा गृहराज्यमंत्री आणि कोल्हापूरचे पालकमंत्री सतेज पाटील यांनी केली आहे. यामुळे कोल्हापूर जिल्ह्यासह पश्चिम महाराष्ट्राच्या ऑक्सिजन मागणीच्या पूर्ततेसाठी मोठी मदत होणार आहे. सत्ता येताच पाटलांनी केलेली ही दुसरी मोठी घोषणा ठरली आहे. तर, निकाल लागलेल्या दिवशी माध्यमांशी संवाद साधताना पाटलांनी शेतकऱ्यांना दुधाला लिटरमागे 2 रुपये दरवाढ देण्याची घोषणा केली होती. ‘दोन रुपये दूध दरवाढ देण्यासाठी आमचे प्रयत्न सुरु आहेत. दोन महिन्यांच्या अवधीत दिलेली आश्वासने पूर्ण करणार,’ असं देखील सतेज पाटील म्हणाले आहेत.
महत्वाच्या बातम्या
- ‘कोरोनाशी लढण्यासाठी सर्व पक्षांनी एकत्र यावे, एकट्या मोदींना ते अशक्य’, नवाब मलिकांचा टोला
- ‘संजय काकडेंवर आता तुरुंगात जायची वेळ आलीये’, ‘त्या’ वक्तव्यावर नवाब मलिक संतापले
- मराठा समाजाला कोण रोखू शकणार आहे ? उदयनराजे संतापले
- निवडणूक संपल्याचा परिणाम; सलग तिसऱ्या दिवशी इंधन दरवाढ
- ‘कोरोना लसीकरणाची गती कमी होऊ देऊ नका’, पंतप्रधान मोदींचे राज्यांना आवाहन
