लज्जास्पद पराभवाचे विराटने फोडले यावर खापर

🕒 1 min read

अहमदाबाद : कसोटी मालिकेत इंग्लंड संघावर दणदणीत विजय मिळाल्यानंतर इंग्लंड मालिकेतील पहिल्या सामन्यात भारताला दारुण पराभवाला सामोरे जावे लागले. अवघ्या १२५ धावांचे माफक अव्हान इंग्लंडसंघाने २ गडी गमावून लक्ष्य गाठल. सोळाव्या षटकातच इंग्लंडने विजयी लक्ष्य गाठलं. इंग्लंडविरुद्धच्या पहिल्याच टी-२० सामन्यांत भारतीय संघाने नाणेफेक गमावली. इंग्लडने भारताला फलंदाजीसाठी पाचारण केल. सलामीवीर रोहितच्या अनुपस्थितीत खेळणाऱ्या भारतीय फलंदाजी इंग्लंडच्या गोलंदाजी माऱ्यापुढं कोलमडली. श्रेयस अय्यरच्या अर्धशतकाच्या जोरावर भारताने २० षटकांमध्ये १२४ धावा केल्या. यामध्ये हार्दीक पांड्याची त्याला साथ मिळाली.

इंग्लंडच्या संघाने सावध खेळी करत  २ गडी गमावत सोळाव्या षटकातच भारताचा दारुण पराभव केला. इंग्लंड संघाकडून जेसन रॉयने सर्वाधिक ४९ धावांची खेळी केली. तर टी-२० क्रमवारीतील पहिल्या क्रमांकावरील डेवीड मलानने विजयी षटकार मारुन मालिकेतील इंग्लंडच्या पहिल्या विजयाची नोंद केली. टी-२० मालिकेची विजयी सुरुवात करणाऱ्या इंग्लंडच्या संघाने मालिकेत १-० अशी आघाडी मिळवली आहे.

इंग्लंडकडून अवघड खेळपट्टीवर सलामीच्या टी-20 सामन्यात पराभव पत्करलेल्या यजमान टीम इंडियाचा कर्णधार विराट कोहलीने सामन्यात उद्भवलेल्या आव्हानाला तोंड द्यायला आपण तयार नसल्याचं कबुल केलं. फलंदाजीसाठी आमंत्रित भारताने मोटेरा स्टेडियमवर फलंदाजांना इंग्लिश गोलंदाजांविरुद्ध संघर्ष करावा लागला आणि अखेर संघ निर्धारित ओव्हरमध्ये 7 विकेट गमावून 124 धावाच करू शकला. इंग्लंडने धावसंख्येचा सहज पाठलाग केला आणि 15.3 ओव्हरमध्ये 2 विकेट गमावून 130 धावा केल्या. कोहली, केएल राहुल आणि शिखर धवन खराब फटका खेळत बाद झाले ज्यामुळे भारतीय कर्णधार चिंताग्रस्त दिसला. ‘या प्रकारच्या खेळपट्टीवर आपल्याला काय करावे लागेल याबद्दल आम्हाला पुरेसे माहिती नव्हती. मला वाटते की आमच्या शॉट्सवर अंमलबजावणीचा अभाव आणि आम्हाला काहीतरी गोष्टींकडे लक्ष द्यायला हवे,’ सामन्यानंतर विराट म्हणाला.

‘आपले दोष स्वीकारा, अधिक उद्दीष्टाने परत या, आपण फटका मारू इच्छित असलेल्या क्षेत्राचे स्पष्टीकरण घेऊन. आम्हाला पाहिजे असलेले फटके खेळण्याची परवानगी विकेटने दिली नाही.’दरम्यान, श्रेयस अय्यरच्या निर्धारामुळे कोहली खूश झाला ज्याने अर्धशतक ठोकत टीम इंडियाला सन्मानजनक धावसंख्या गाठून दिली. ‘श्रेयसने क्रीजचा वापर कसा करावा आणि बाऊन्स कसा खेळायचा हे दाखवले. इंग्लंडने आम्हला खालच्या स्तराची फलंदाजीची करायला भाग पडले. आम्ही काही गोष्टी पाहण्याचा विचार केला परंतु आम्हाला स्थिती मान्य करावी लागेल. जर खेळपट्टी अनुकूल असली तर आपण पहिल्या चेंडूपासून आक्रमक होऊ शकता. आम्ही मूल्यांकन करण्यासाठी पुरेसा वेळ घालवला नाही,श्रेयसने कामगिरी बजावली पण 150-160 धावसंख्या गाठण्यासाठी आम्ही बऱ्याच विकेट गमावल्या.’

महत्वाच्या बातम्या

• आलिया भट्टची रणबीर कपुरच्या आठवणीत भावनिक पोस्ट
• ‘एमपीएससी परिक्षा २१ मार्च रोजी, सर्वांना माझ्याकडून शुभेच्छा’
• नागरी घनकचरा प्रक्रिया प्रकल्पाची जिल्हाधिकारी सुनिल चव्हाण यांच्याकडून पाहणी
• शाळेच्या अनुदानासाठी १४० कोटीच्या निधीस मंजुरी : वर्षा गायकवाड
• महिलांचा आर्थिकस्तर उंचाविण्याचा जीवनज्योती अभियानातून प्रयत्न-मंगेश गोंदावले