‘नो वन किल्ड जेसिका’ सारखी पूजा चव्हाण प्रकरणाची गत होईल – देवेंद्र फडणवीस

मुंबई : बीड जिल्ह्यातील परळीतील पूजा चव्हाण या तरूणीने पुण्यात जीवन संपवल्याने राजकीय वर्तुळात खळबळ उडाली आहे. ही तरूणी पुण्यात शिकण्यासाठी आलेली होती. मागील आठवड्यात पूजाने तिसऱ्या मजल्यावरून उडी मारून आत्महत्या केली. यानंतर महाविकास आघाडीमधील वनमंत्री संजय राठोड यांच्या या मुलीशी संबंध असून काही कथित कॉल रेकॉर्डिंग्स देखील समोर आले आहेत.

यामुळे या प्रकरणाला नवे वळण मिळाले असून मंत्र्यांच्या बचावासाठी योग्य कार्यवाही केली जात नसल्याचे आरोप भाजप कडून करण्यात येत आहे. विधानसभेचे विरोधी पक्षनेते देवेंद्र फडणवीस यांनी राज्याचे पोलीस महासंचालक हेमंत नगराळे यांची भेट घेऊन योग्य कारवाई करण्यासाठी निवेदन देऊन कथित कॉल रेकॉर्डिंग्सची देखील चौकशी व्हावी अशी मागणी केली होती.

देवेंद्र फडणवीस यांनी आज पत्रकार परिषदेतून पुन्हा एकदा या प्रकरणी भाष्य करत महाविकास आघाडीवर जहरी टीका केली आहे. ‘पूजा चव्हाण प्रकरणात फार काही कारवाई होईल असं वाटत नाही. नो वन किल्ड जेसिका या चित्रपटासारखी या प्रकरणाची गत होईल. हे सगळं ठाकरे सरकारच्या आशीर्वादाने सुरु आहे. हे प्रकरण दाबण्याचा सरकार यशस्वी प्रयत्न करत असल्याचं दिसतंय,’ असा आरोप देखील देवेंद्र फडणवीस यांनी केला आहे.

महत्त्वाच्या बातम्या

• धक्कादायक : अकोल्यातून चक्क कोरोना लसींच्या बॉटल्स गेल्या चोरीला !
• स्वतःला बायकोचे ‘मालक’ समजणाऱ्यांना कायदेशीर तरतूदींमागची खोली कशी कळणार ? – चित्रा वाघ
• जावयाची वरात पोलिसांच्या दारात, सासरवाडीचे घर फोडून वीस हजारांवर डल्ला
• याद राखा…विदर्भ आणि मराठवाड्यासाठी आम्ही सरकारला सोडणार नाही; मुनगंटीवारांचा इशारा
• पंजाब निवडणुकांत भाजप भुईसपाट ; शेतकरी आंदोलनाचे पडसाद