याद राखा…विदर्भ आणि मराठवाड्यासाठी आम्ही सरकारला सोडणार नाही; मुनगंटीवारांचा इशारा

मुंबई : महाविकास आघाडी विरोधात भाजप पुन्हा एकदा आक्रमक झाल्याचं दिसून येत आहे. सामाजिक न्यायमंत्री धनंजय मुंडे, मेहबूब शेख, पूजा चव्हाण प्रकरण, वीजबिल माफी आदी विषयांवरून भाजपने महाविकास आघाडी सरकारला घेरलं असतानाच राज्य सरकारची आणखी डोकेदुखी वाढण्याची शक्यता आहे.

भाजप नेते सुधीर मुनगंटीवार यांनी आज राज्यपाल भगतसिंह कोश्यारी यांची भेट घेतली. यानंतर, माध्यमांना प्रतिक्रिया देताना त्यांनी महाविकास आघाडीवर जोरदार निशाणा साधला.तर, वैधानिक विकास महामंडळाबाबत राज्यपालांशी चर्चा केल्याचं त्यांनी सांगितलं.

‘मराठवाडा आणि विदर्भ वैधानिक विकास महामंडाळांचा कालावधी 30 एप्रिल 2020 ला संपला आहे. मात्र, विदर्भ आणि मराठवाड्यासाठी हे महामंडळ गरजेचं आहे. त्यामुळे सरकारनं ऐकलं नाही तर याद राखा. विदर्भ आणि मराठवाड्यासाठी आम्ही सरकारला सोडणार नाही,’ असा इशारा सुधीर मुनगंटीवार यांनी दिला आहे. तर, ‘राज्य सरकार 12 आमदारांच्या नियुक्तीवरुन राज्यपालांशी खुला संघर्ष करत आहे. दुसरीकडे वेगवेगळ्या विभागांचा असमतोल विकास करायचा आणि तिजोरीवर डाका टाकायचं काम सद्या सुरु आहे,’ असा आरोप देखील त्यांनी केला आहे.

महत्त्वाच्या बातम्या

• ‘मराठा आरक्षणाच्या केसमध्ये मुख्यमंत्रीसाहेब तुम्ही स्वतः लक्ष घालावं; हलगर्जीपणा करु नये’
• स्वतःला बायकोचे ‘मालक’ समजणाऱ्यांना कायदेशीर तरतूदींमागची खोली कशी कळणार ? – चित्रा वाघ
• जावयाची वरात पोलिसांच्या दारात, सासरवाडीचे घर फोडून वीस हजारांवर डल्ला
• भाजपवर बांग्लादेशी अल्पसंख्यांकांना पद देण्याची नामुष्की आली?
• ‘राकेश टिकैत यांच्या आंदोलनाचे शेतकरी हिताशी काहीही देणे घेणे नाही’