भाजपात प्रवेश करताच चंद्रकांत पाटलांनी बाळासाहेब सानप यांच्यावर सोपविली मोठी जबाबदारी!

🕒 1 min read

मुंबई:- नाशिकमधील नेते आणि माजी आमदार बाळासाहेब सानप यांची काही दिवसांपूर्वी भाजपमध्ये घरवापसी झाली आहे. विधानसभेचे विरोधी पक्षनेते देवेंद्र फडणवीस आणि भाजपचे प्रदेशाध्यक्ष चंद्रकांत पाटील यांच्या उपस्थितीत बाळासाहेब सानप यांनी शिवसेनेचं शिवबंधन सोडून भाजपमध्ये प्रवेश केला होता.

बाळासाहेब सानप यांनी भाजपमध्ये प्रवेश करताच त्यांच्या खांद्यावर भाजपचे प्रदेशाध्यक्ष चंद्रकांत पाटील यांनी मोठी जबाबदारी सोपवली आहे. सानप यांची भाजपच्या प्रदेश उपाध्यक्षपदी नियुक्ती करण्यात आली आहे. चंद्रकांत पाटील यांनी सानप यांना नियुक्ती पत्र दिलं आहे.

सानप यांच्या भाजप प्रवेशाने आगामी नाशिक महापालिका आणि ग्रामपंचायत निवडणुकीत भाजपला फायदा होणार आहे. दरम्यान, भारतीय जनता पार्टी महाराष्ट्र प्रदेशच्यावतीने आपली प्रदेश उपाध्यक्षपदी नियुक्ती करताना मला खूप आनंद होत आहे. आपण आपल्या संघटन कौशल्याने राज्यभरात पक्ष संघटन वाढविण्यासाठी अथक परिश्रम कराल, ही अपेक्षा आहे. आपल्या आगामी कार्यास माझ्या शुभेच्छा, असं चंद्रकांत पाटील सानप यांना पाठवलेल्या नियुक्ती पत्रात म्हणाले आहेत.

महत्वाच्या बातम्या

• उरी नंतर ‘या’ चित्रपटात विकीची दमदार भूमिका
• भारतीय चाहत्यांसह सेहवागनेही केलं ट्विटरवर रिकी पाँटिंगला ट्रोल
• काम कसे करायचे हे घरबशा मुख्यमंत्र्यांना सांगा,सल्ल्याची गरज त्यांना जास्त आहे : भातखळकर
• ‘सरकार दरबारी जी कामे होत नाहीत ती कामे ‘राज’दरबारी निकालात निघतात’
• धोक्याची घंटा : परभणी पाठोपाठ मुंबई, ठाण्यातही बर्ड फ्लूचा शिरकाव !