मुंबई : राज्यातील दिव्यांग शाळेतील शिक्षक व शिक्षकेतर कर्मचारी वर्गास राज्याचे सामाजिक न्याय व विशेष सहाय्य मंत्री धनंजय मुंडे यांनी अर्थसंकल्पीय अधिवेशनातून मोठी ‘गुड न्युज’ दिली आहे. विधान परिषदेतील प्रश्नोत्तराच्या तासात मंत्री मुंडेंनी दिव्यांग शाळेतील शिक्षक कर्मचाऱ्यांना ७ वा वेतन आयोग लागू करण्याची अंमलबजावणी दोन महिन्यांच्या आत करण्यात येणार असल्याची घोषणा केली आहे.
दिव्यांग शाळा तसेच या शाळेत काम करणाऱ्या कर्मचाऱ्यांकडे कायम दुर्लक्ष केले जायचे, असा आरोप वेळोवेळी होत आलेला आहे. मात्र, धनंजय मुंडे यांच्या या घोषणेनंतर दिव्यांग शाळेत काम करणाऱ्या शिक्षक आणि कर्मचाऱ्यांना नक्कीच दिलासा मिळेल, असे सांगितले जात आहे.
काँग्रेस नेते भाई जगताप तसेच आमदार जयंत आसगावकर यांनी ६ वा वेतन आयोग लागू झाल्यानंतर सातवा वेतन आयोग लागू करण्यासाठी आलेल्या अडचणींच्या संदर्भात अधिवेशनादरम्यान प्रश्न विचारला. तसेच त्यांनी दिव्यांग शाळेतील शिक्षक आणि शिक्षकेतर कर्मचाऱ्यांना अन्य विभागातील कर्मचाऱ्यांप्रमाणे सातव्या वेतन आयोगाच्या शिफारशीनुसार वेतन मिळावे अशी मागणी केली.
त्यानंतर धनंजय मुंडे यांनी ही घोषणा केली. तसेच अधिवेशनानंतर पंधरा दिवसांच्या आत संबंधित विभागांसोबत व्यापक बैठक घेऊन हे अडसर दूर करण्यात येतील. तसेच येत्या दोन महिन्यांच्या आत सातव्या वेतन आयोगाची अंमलबजावणी करण्यात येईल असेही मुंडे म्हणाले.
महत्वाच्या बातम्या
- …म्हणून ममतादीदींनी मानले शिवसेनेचे ‘विशेष’ आभार !
- पिंपरी-चिंचवड पुण्यापेक्षा वढचर; महापालिकांच्या सर्वोत्तम कामगिरीमध्ये चौथं स्थान पटकावलं !
- अभिनेता मिथुन चक्रवर्ती लवकरच करणार भाजपमध्ये प्रवेश?
- मोबाईल टॉवर्सकडे कोट्यवधी थकित, पालिका नेमणार खासगी एजन्सी
- आक्रमक पंकजा मुंडे ‘या’मुळे झाल्या भावनिक!
बातम्यांसाठी YouTube चॅनेल Subscribe करा
Subscribe Now
