पुणे शहरात आज नव्याने २४४ कोरोनाबाधित रुग्णांची नोंद

पुणे : पुणे शहरात आज नव्याने २४४ कोरोनाबाधित रुग्णांची नोंद झाली असून पुणे शहरातील एकूण संख्या आता ४ लाख ९४ हजार ९६८ इतकी झाली आहे. शहरातील २६१ कोरोनाबाधितांना आज डिस्चार्ज देण्यात आला असून पुणे शहरातील एकूण डिस्चार्ज संख्या ४ लाख ८३ हजार ७६७ झाली आहे.

पुणे शहरात आज एकाच दिवसात ९ हजार ३१२ नमुने घेण्यात आले आहेत. पुणे शहराची एकूण टेस्ट संख्या आता ३१ लाख ११ हजार ०६८ इतकी झाली आहे. पुणे शहरात उपचार घेणाऱ्या २ हजार २८९ रुग्णांपैकी २०८ रुग्ण गंभीर तर २९१ रुग्ण ऑक्सिजनद्वारे उपचार घेत आहेत. पुणे महापालिका हद्दीत नव्याने ५ कोरोनाबाधित रुग्णांच्या मृत्यूची नोंद झाली आहे.आजच्या नव्या संख्येसह मृतांची एकूण संख्या ८ हजार ९१२ इतकी झाली आहे.

दरम्यान कोरोनाच्या अल्फा व्हेरिएंटच्या तुलनेत डेल्टा व्हेरिएंटची लागण झालेल्या रुग्णांना रुग्णालयात न्यावं लागण्याचा धोका हा दुपटीनं अधिक असल्याचं ब्रिटनमध्ये झालेल्या एका संशोधनातून समोर आलं आहे. तज्ज्ञांच्या मते ‘द लँसेंट’ या प्रसिद्ध पत्रकामध्ये प्रकाशित झालेल्या या महत्त्वाच्या अभ्यासावरून लोकांचं पूर्ण लसीकरण होणं का गरजेचं आहे? हे लक्षात येतं. त्यांच्या मते कोरोना व्हायरसच्या कोणत्याही व्हेरिएंटमुळं निर्माण होणारा धोका हा लसीकरणानं कमी होतो.

महत्त्वाच्या बातम्या

• ‘शेतकऱ्यांचे रक्त पुन्हा सांडले, हिंदुस्थानची मान शरमेने झुकली’ ; राहुल गांधींचा हल्लाबोल
• ओबीसी आरक्षण बैठकीला वांझोटी म्हणणाऱ्यांवर विजय वडेट्टीवार संतापले, म्हणाले..
• ..तर पोलिसांनी भाजपा नेत्यांचे मुसक्या आवळाव्यात, कुठलीही दया दाखवू नये-सचिन सावंत
• ‘नेत्यांना पक्षात घेऊन वापरायचे, हेच भाजपचे धोरण’, जयंत पाटलांची टीका
• ‘विमा कंपन्या आणि केंद्र सरकारमध्येच सेटलमेंट’, शिवसेना खासदाराचा गंभीर आरोप