मुंबई : देशात कोरोनाच्या तिसऱ्या लाटेचा इशारा देण्यात आला आहे. त्यात गेल्या काही दिवसांपासून देशात करोना रुग्ण संख्येत पुन्हा वाढ होत असल्याचं दिसत आहे. त्यामुळे गणेशोत्सवासह, दसरा-दिवाळी हे सण नियमानूसारच साजरे करावे लागतील अशा स्पष्ट सूचना देण्यात आल्यात. महाराष्ट्रातही काही निर्बंध शिथिल केलेत. मात्र धार्मिक स्थळे अद्यापही बंद आहेत. राज्य सरकारच्या या निर्णयाविरोधात भाजपा आध्यात्मिक समन्वय आघाडीच्या वतीने सोमवारी राज्यव्यापी शंखनाद आंदोलन करण्यात येणार आहे. या आंदोलनावर काँग्रेस नेते सचिन सावंत यांनी टीका केली आहे.
केंद्र सरकारच्या इशाऱ्यानुसार महाराष्ट्रात कोरोनाच्या तिसऱ्या लाटेत ६० लाख रुग्ण येण्याची शक्यता आहे. नीती आयोगानेही तिसऱ्या लाटेचा इशारा दिला असतानाही सत्तेच्या हव्यासापोटी आंधळ्या भाजपाला पुन्हा मंदिरांचे राजकारण करायचे आहे. नीती आयोग अनीतिमान शंखासूर भाजपाला समज कधी देणार?, असा सवाल काँग्रेसचे प्रवक्ते सचिन सावंत यांनी उपस्थित केला आहे.
एके ठिकाणी मोदी सरकार सांगते आहे की कोरोनाची तिसरी लाट येते आहे, उत्सवांवर निर्बंध घाला , दुसरीकडे भाजपा नेते दहिहंडी व मंदिरे उघडा म्हणून आंदोलनाच्या धमक्या देत आहेत. राजकीय स्वार्थापोटी जनतेचा जीव धोक्यात घालणाऱ्या सुपरस्प्रेडर भाजपाने ऐकलं नाही तर पोलिसांनी मुसक्या आवळाव्यात pic.twitter.com/qMct0lVmWb
— Sachin Sawant सचिन सावंत (@sachin_inc) August 28, 2021
भाजपचे नेते मंदीरे उघडण्याबाबत व दहिहंडी आयोजित करण्याबाबत आग्रही आहेत. याच दरम्यान भाजपने जनआशिर्वाद यात्राही काढली आहे. त्यावरुन सावंत यांनी निशाणा साधला आहे. ‘जन आशिर्वाद यात्रेत कोरोना नियमांच्या उल्लंघनाबाबत इतके गुन्हे दाखल होऊनही भाजपाचे डोके ठिकाणावर आलें नाही. दुसऱ्या लाटेचा प्रभाव वाढण्यासाठी भाजपाचे बंगालमधील सत्तेचे राजकारण कारणीभूत ठरले. आता तिसरी लाट लवकर आणण्यासाठी मंदिरे उघडणे व दहिहंडी आयोजनाचा हट्ट करत आहेत,’ असे सावंत यांनी ट्वीटरच्या माध्यमातून म्हटले आहे.
कालच केंद्रीय आरोग्य सचिव राजेश भूषण यांनी महाराष्ट्रात उत्सवावर निर्बंध घालावेत असा निर्देश दिला आहे. सुपरस्प्रेडर भाजपा स्वार्थी राजकारणाकरिता जनतेचा जीव धोक्यात घालत आहे. भाजपा नेत्यांनी ऐकले नाही व नियमांचे उल्लंघन केले तर पोलिसांनी मुसक्या आवळाव्यात. कुठलीही दया दाखवू नये असे आवाहनही त्यांनी पोलिसांनी करत भाजपला इशारा दिला आहे.
महत्त्वाच्या बातम्या
- भाजपा नेत्यांनी ऐकले नाही व नियमांचे उल्लंघन केले तर पोलिसांनी मुसक्या आवळाव्यात – सावंत
- ‘राणे गेल्यापासून भाजप दहा फूट मागे, एक दिवस असा येईल की..’, राऊतांचा इशारा
- ‘निर्णय घेण्याचे स्वातंत्र्य द्या, अन्यथा चोख उत्तर दिले जाईल’, सल्लागाराच्या राजीनाम्यानंतर नवज्योतसिंग सिद्धू आक्रमक
- ‘काही वर्षांपूर्वी एका माथेफिरुने शरद पवार यांच्या कानशिलात लगावली होती तेव्हा…’ शेलारांची शिवसेनेवर टीका
- ‘अनेक ठिकाणी यात्रा निघाल्या पण काही जणांनी येड्यांच्या जत्रा केल्या,’ संजय राऊतांचा घणाघात
बातम्यांसाठी YouTube चॅनेल Subscribe करा
Subscribe Now
