सांगली : प्रत्येकाला पक्षात घेऊन वापरायचे, हे भाजपचे धोरण आहे. तिकडे गेलेल्यांना पश्चात्ताप होईल, हे मी विधानसभेवेळीही सांगितले होते. बाहेरून आलेले बाहेरच बसतात. कोअर कमिटीत त्यांना प्रवेश नसतो असे प्रतिपादन राष्ट्रवादीचे प्रदेशाध्यक्ष तथा जलसंपदामंत्री जयंत पाटील यांनी केले. सांगली जिल्ह्यातील आष्टा येथील भाजपचे नेते वैभव शिंदे यांनी राष्ट्रवादीत प्रवेश केला. यावेळी ते बोलत होते.
ते म्हणाले की, भाजपमधील राज्यभरातील अनेक नेते मला येऊन सांगतात, भाजपमध्ये काही खरे नाही. मराठवाड्यातील अनेक नेत्यांच्या पक्षप्रवेशासाठीही पुन्हा राज्याचा दौरा सुरू करणार आहे. तसेच वैभव शिंदे भाजपमध्ये गेले याचे शल्य होते. तशी वेळ यायला नको होती, असे आजही वाटते. भाजपमध्ये त्यांना चांगली संधी द्या, असे मी माझे मित्र देवेंद्र फडणवीस यांना तीनवेळा सांगितले होते. विलासराव शिंदे यांनी माझ्या सर्व निवडणुकांचे सारथ्य केले होते. त्यांनी कधीही मला रागाची जाणीव होऊ दिली नाही. वाळव्याच्या इतिहासात एकत्र येऊन नेहमी प्रगतीची वाटचाल केली.
पाटील म्हणाले की, चुकांतून दुरुस्ती करून मी व वैभव एकत्र आलो आहोत. पुढील पिढी एकत्र येण्यासाठी हे आवश्यक होते. आष्ट्याच्या प्रशासकीय इमारतीचा प्रस्ताव करण्यास सांगितले आहे. एसटी डेपोसाठीही प्रयत्न करू. आष्टा तालुकानिर्मितीचा सकारात्मक विचार करू. आष्टा व इस्लामपूर नगरपालिकांना आणखी निधी देणार आहोत असे आश्वासन मंत्री पाटील यांनी यावेळी दिले.
महत्त्वाच्या बातम्या
- भाजपा नेत्यांनी ऐकले नाही व नियमांचे उल्लंघन केले तर पोलिसांनी मुसक्या आवळाव्यात – सावंत
- ‘राणे गेल्यापासून भाजप दहा फूट मागे, एक दिवस असा येईल की..’, राऊतांचा इशारा
- ‘निर्णय घेण्याचे स्वातंत्र्य द्या, अन्यथा चोख उत्तर दिले जाईल’, सल्लागाराच्या राजीनाम्यानंतर नवज्योतसिंग सिद्धू आक्रमक
- ‘काही वर्षांपूर्वी एका माथेफिरुने शरद पवार यांच्या कानशिलात लगावली होती तेव्हा…’ शेलारांची शिवसेनेवर टीका
- ‘अनेक ठिकाणी यात्रा निघाल्या पण काही जणांनी येड्यांच्या जत्रा केल्या,’ संजय राऊतांचा घणाघात
