सावरखेडा घाटात तरुणाची गळफास घेऊन आत्महत्या

औरंगाबाद : सावरखेडा (ता.सोयगाव) घाटात राखीव जंगलातील सागाच्या झाडाला गळफास घेऊन ३१ वर्षीय तरुणाने आत्महत्या केल्याची घटना शनिवारी दि.३ उघडकीस आली आहे. आत्महत्येचे कारण अद्याप स्पष्ट झालेले नसून या घटनेची फर्दापूर पोलिस ठाण्यात अकस्मात मृत्यू म्हणून नोंद करण्यात आली आहे. संतोष शिवाजी हाके (३१, रा.सिरसाळातांडा ता.सिल्लोड) असे गळफास घेतलेल्या व्यक्तीचे नाव आहे.

या बाबत अधिक माहिती अशी की, मयत संतोष शिवाजी हाके यांनी सोयगाव शिवारातील शेतजमीन ठोक्याने कसण्यासाठी घेतली होती. शुक्रवारी दि.२ सकाळी ९ वाजेच्या सुमारास सोयगाव शिवारातील शेतात जाऊन येतो असे घरी सांगून ते सिरसाळातांडा येथून सोयगाव कडील शेतात जाण्यासाठी निघाले होते.

मात्र संपूर्ण दिवस व रात्र उलटूनही ते घरी न परतल्याने शनिवारी सकाळी नातेवाईकांनी त्यांचा शोध घेतला असता सावरखेडा घाटात राखीव जंगलातील सागाच्या झाडाला गळफास घेऊन संतोष यांनी आत्महत्या केल्याचे दिसून आले. या प्रकरणी पोलीस तपास करीत आहे.

महत्त्वाच्या बातम्या

• ‘बंडातात्या कराडकरांना पोलिसांनी ताब्यात घेणे हा तमाम वारकऱ्यांचा अपमान’
• बीडमध्ये उद्या मराठा आरक्षण जनसंवाद; छत्रपती संभाजीराजेंची उपस्थिती
• ‘राज्यपालांच्या सगळं लक्षात आहे, फक्त ते आमदारांच्या यादीचे विसरलेत’, ‘त्या’ पत्रावरून राऊतांचा टोला
• ‘राजभवनचे अधिकारी राज्यपालांना माहिती देत नसतील तर यापेक्षा वाईट काहीच नाही’
• ‘राजकीय उद्देशातून राज्यपालांनी मुख्यमंत्र्यांना पत्र लिहिले’, नवाब मलिकांची टीका