🕒 1 min read
मुंबई : भारताची सानिया मिर्झा आणि क्रोएशियाचा मेट पॅव्हिक ही जोडी विम्बल्डनच्या (Wimbledon 2022) मिश्र दुहेरीच्या उपांत्य फेरीतून बाहेर पडली. यासह भारताचे स्पर्धेतील आव्हानही संपुष्टात आले. सानिया-मेट या सहाव्या मानांकित जोडीला गतविजेत्या आणि द्वितीय मानांकित ब्रिटनच्या नील स्कुप्स्की आणि अमेरिकेच्या डेझीरी क्रोजिक यांच्याकडून ४-६, ७-५, ६-४ ने पराभव पत्करावा लागला.
पहिल्या सेटमध्ये २-२ अशी बरोबरी असताना सानिया-मेट जोडीने विरोधी जोडीची सर्व्हिस तोडली आणि ३-२ अशी आघाडी घेतली आणि सेट ६-४ असा जिंकला. दुसऱ्या सेटमध्येही इंडो-क्रोएशियन जोडी काही काळ सुस्थितीत होती आणि ४-२ अशी आघाडीवर होती. पण दुसऱ्या सीडेड नील-डायझारी जोडीने दोनदा सर्व्हिस ब्रेक करत सेट ७-५ असा जिंकला. तिसऱ्या सेटमध्येही दोन्ही जोडींमध्ये चुरशीची स्पर्धा झाली, मात्र अखेरीस सानिया-मेटला पराभवाला सामोरे जावे लागले.
The tears ,fight and the struggle.. the work we put in is all worth it in the end ..it wasn't meant to be this time @wimbledon but you have been nothing but spectacular ???? its been an honor to play here and win here over the last 20 years ..i will miss you ???? Until we meet again pic.twitter.com/BDJV7znBMS
— Sania Mirza (@MirzaSania) July 7, 2022
३५ वर्षीय सानियाचे हे शेवटचे विम्बल्डन ठरले. या वर्षी जानेवारीमध्ये सानियाने जाहीर केले होते की चालू हंगाम तिचा शेवटचा असेल. सानिया मिर्झा पहिल्यांदाच विम्बल्डनच्या मिश्र दुहेरीच्या उपांत्य फेरीत पोहोचण्यात यशस्वी ठरली. यापूर्वी २०११, २०१३ आणि २०१५ मध्ये तिला उपांत्यपूर्व फेरीपर्यंत मजल मारता आली नव्हती. सानियाने २०१५ मध्ये मार्टिना हिंगीससह येथे महिला दुहेरीचे विजेतेपद पटकावले होते. तिच्या कारकिर्दीत सानियाने मिश्र दुहेरीत ऑस्ट्रेलियन ओपन (२००९), फ्रेंच ओपन (२०१२) आणि यूएस ओपन (२०१४) जिंकले आहे, तिने विम्बल्डनमध्ये मिश्र दुहेरीचे विजेतेपद जिंकलेले नाही.
महत्त्वाच्या बातम्या –
बातम्यांसाठी YouTube चॅनेल Subscribe करा
Subscribe Now
